मुंबई दि.२३ : शिवसेनेचे ज्येष्ठ नेते व महाराष्ट्र राज्याचे माजी मुख्यमंत्री डॉ मनोहर जोशी सर हे आज पहाटे पंचतत्वतात विलिन झाले आहेत. दिनांक २३ फेब्रुवारी २०२४ रोजी पहाटे ३.०२ मिनिटांनी हिंदुजा हॉस्पिटलमध्ये सरांना वयाच्या ८६ व्या वर्षी त्यांची प्राणज्योत मावळून त्यांना देवाज्ञा झाली. दिनांक २१ फेब्रुवारी रोजी त्यांना अस्वस्थ वाटू लागल्याने हिंदुजा हॉस्पिलमध्ये ऍडमिट केले गेले होते. त्यांना हृदयविकाराचा झटका आल्याचे निदान झाल्याने त्यांच्यावर अतिदक्षता विभागात उपचार सुरू होते.
अंत्यदर्शनासाठी त्यांचा पार्थिव देह माटुंगा पश्चिम, रुपारेल कॉलेज जवळील डब्लू ५४ या त्यांच्या सद्याच्या निवासस्थानी सकाळी ११ ते दुपारी २ या वेळात ठेवण्यात येणार असून दुपारी २ नंतर अंत्ययात्रा सुरू होईल. माजी मुख्यमंत्री, माजी लोकसभा अध्यक्ष डॉ.मनोहर जोशी सरांवर दादर स्मशान भूमीत शासकीय इतमामात अंत्य संस्कार होतील. मे २०२३ मध्ये झालेल्या मोठ्या आजारावर त्यांनी जिद्दीने मात केली होती.
कोणत्याही टिप्पण्या नाहीत
टिप्पणी पोस्ट करा