डोंबिवली दि.२८: "झाडे लावा , झाडे जगवा" दिनांक २८ जून हा जागतिक पर्यावरण दिवस. निसर्गाला इजा न पोहचवता निसर्गाच्या सान्निध्यात राहून निसर्गाचा आनंद घ्यायला पाहिजे. आजच्या दिवशी शाळेतील सर्व मुलांनी प्रत्येकी झाडाचे एक रोपटे आणून ते शाळेच्या आवारात त्याचे रोपण केले. त्याच बरोबर जागतिक पर्यावरण दिवसाचे सुविचार फलक हातात घेऊन एक फेरी काढत झाडे जगवा,पाणी वाचवा, झाड नाही तर जीवनासाठी अत्यावश्यक नैसर्गिक वायू ऑक्सीजन उपलब्ध होणार नाही, असा नारा देत इयत्ता शिशुविहार ते दहावी च्या सर्व विद्यार्थ्यांनी नैसर्गिक लोकोपयोगी सामाजिक संदेश दिला. शाळेतील सर्व शिक्षकांनी देखील ह्या फेरीत सहभाग नोंदवला होता.
'जे एम एफ' संस्थेचे अध्यक्ष डॉ. राजकुमार कोल्हे आणि सचिव डॉ. प्रेरणा कोल्हे यांनी सर्व मुले नैसर्गिक जबाबदारी चे पालन आणि कर्तव्य करत आहेत हे बघून त्यांचे अभिनंदन केले. नैसर्गिकरीत्या असलेली झाडे, फुले, म्हणजेच एका अर्थाने ते परमेश्वराचे रुप आहे आणि त्यांना आपण पाणी देऊन जगवतो, म्हणजे परमेश्वराची कृपादृष्टी आपल्यावर आहे, असे सांगून डॉ राजकुमार कोल्हे यांनी मुलांबरोबर स्वतः देखील वृक्षारोपण केले.
कोणत्याही टिप्पण्‍या नाहीत
टिप्पणी पोस्ट करा