डोंबिवली: रोटरी क्लब ऑफ डोंबिवली ईस्टच्या 'एन्ड थॅलेसेमिया नाऊ' (ETN) या महत्त्वपूर्ण उपक्रमांतर्गत आणि के.व्ही.पेंढारकर महाविद्यालयाच्या संयुक्त विद्यमाने २८ सप्टेंबर २०२६ रोजी महाविद्यालयात विद्यार्थ्यांसाठी थॅलेसेमिया जनजागृती सत्राचे आयोजन करण्यात आले होते. या सत्रात सुमारे १५० विद्यार्थ्यांनी उत्स्फूर्त सहभाग नोंदवला. याप्रसंगी डिस्ट्रिक्ट चेअर (ETN) पी पी डॉ. माधव बैतुले यांनी थॅलेसेमिया या आजाराविषयी सविस्तर माहिती दिली. थॅलेसेमिया मायनरची तपासणी करणे किती गरजेचे आहे आणि रक्तदान करून विद्यार्थी समाजप्रबोधनात कशी महत्त्वाची भूमिका बजावू शकतात, यावर त्यांनी विशेष भर दिला.