मुंबई, दि. ७ : महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने फेब्रुवारी-मार्च २०२७ मध्ये घेण्यात येणाऱ्या इयत्ता १०वी आणि इयत्ता १२वी च्या प्रात्यक्षिक आणि लेखी परीक्षांची अंतिम वेळापत्रके अधिकृतपणे जाहीर करण्यात आली आहेत. राज्य मंडळाचे सचिव डॉ. दीपक माळी यांनी प्रकटनाद्वारे ही माहिती दिली. मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांमार्फत या परीक्षांचे आयोजन करण्यात येणार आहे. सविस्तर वेळापत्रक मंडळाच्या http://www.mahahsscboard.in या अधिकृत संकेतस्थळावर ०६ नोव्हेंबर २०२६ पासून उपलब्ध करून देण्यात आले आहे.