दिवा, दि. १४ नोव्हेंबर - भाऊ- बहिणीच्या प्रेमळ नात्याचा सण असलेल्या भाऊबीजे निमित्त दिवा शिवसेना उपशहरप्रमुख तथा नगरसेवक शैलेश पाटील यांच्या जनसंपर्क कार्यालयात शनिवारी भाऊबीजेचा कार्यक्रम मोठ्या उत्साहात पार पडला. यावेळी दिव्यातील शेकडो महिलांनी आपल्या लाडक्या दादांना भाऊबीजेचे औक्षण करण्यासाठी मोठी गर्दी केली होती.

नगरसेवक शैलेश पाटील यांच्याकडून दरवर्षी रक्षाबंधन आणि भाऊबीजेचा सण महिलांसोबत मोठ्या उत्साहात साजरा केला जातो. या दोन्ही सणांची दिव्यातील महिला भगिनी आतुरतेने वाट पाहत असतात. भाऊबीजेच्या निमित्ताने कार्यालयात येणाऱ्या प्रत्येक बहिणीचे औक्षण स्वीकारत शैलेश पाटील यांनी त्यांना साडी भेट देऊन भाऊबीजेची ओवाळणी दिली.