डोंबिवली दि.२७ : डोंबिवली एमआयडीसीमधील शिव प्रतिमा मित्र मंडळ व डोंबिवलीचे सुप्रसिद्ध 'अनिल आय हॉस्पिटल' यांच्या सांघिक माध्यमातून आज मोफत नेत्र तपासणी शिबिराचे आयोजन करण्यात आले होते. हा कार्यक्रम एम.आय.डी.सी निवासी विभागातील 'शिव प्रतिमा मित्र मंडळ' सभागृहात रविवारी सकाळी १० ते दुपारी २ या वेळेत आयोजित करण्यात आले होते. यावेळी एकूण ९० लोकांनी या शिबिराला हजेरी लावली त्यात पुरुष, महिला तसेच ज्येष्ठ नागरिकांनी या मोफत नेत्र तपासणी शिबिराचा लाभ घेतला.
यामध्ये मोतीबिंदू, काचबिंदू, मधुमेहामुळे डोळयांवर होणारे दुष्परिणाम त्यावर उपाय योजना तसेच डोळ्यांचे इतर आजार आणि त्यांची काळजी कशी घ्यावी यावर काउन्सलर यांचा सल्ला आणि मार्गदर्शन नेत्रतज्ज्ञांच्या उपस्थित राहून तपासणी करण्यात आल्याचे शिबिराचे आयोजक राजू नलावडे यांनी प्रसिद्धी माध्यमांना सांगितले. याप्रसंगी शिवप्रतिमा मित्र मंडळाचे अध्यक्ष भालचंद्र म्हात्रे, उपाध्यक्ष रामदास मेंगडे, सरचिटणीस जयसिंग आयरे, सहचिटनिस सागर पाटील आणि खजिनदार विजय कुलकर्णी उपस्थित होते.
कोणत्याही टिप्पण्‍या नाहीत
टिप्पणी पोस्ट करा