रविवार दिनांक १५.०१.२०२३ रोजी सकाळी ८.०० वाजता डोंबिवली वाहतूक विभाग, 'डोंबिवली एनफिल्ड क्लब' व 'डोंबिवली रायडर्स क्लब' यांच्या संयुक्त विद्यमाने वाहतूक जनजागृती करिता डोंबिवली वाहतूक विभाग येथून डोंबिवली पश्चिम, ठाकुर्ली ब्रिज, फडके रोड, टिळक चौक, घरडा सर्कल अशी बाईक रॅली काढण्यात आली. यामध्ये ५० बाईक रायडर्स यांनी सहभाग घेतला.
रस्ता सुरक्षा अभियान २०२३ अंतर्गत ११ जानेवारी ते १७ जानेवारी दरम्यान वाहतूक जनजागृती करिता विविध कार्यक्रम आयोजित करण्यात आले असून यामध्ये वाहतूक पोलीस व वाहनचालक यांचे आरोग्य शिबीर, नेत्र तपासणी शिबीर, पथनाट्य, शाळा-महाविद्यालयामध्ये वाहतूक नियमांची जनजागृती केली असून आज बाईक व सायकल रॅलीचे आयोजन करण्यात आले असल्याचे श्री. उमेश गित्ते, वरिष्ठ पोलीस निरीक्षक (डोंबिवली वाहतूक उपविभाग) यांनी यावेळी सांगितले. केवळ पोलीस समोर आहेत म्हणून नाही तर स्वतःच्या व कुटुंबियांच्या सुरक्षिततेसाठी सर्वांनी वाहतूकीचे नियम पाळण्याचे आवाहन केले. यावेळी रोटरी क्लब डोंबिवली सनसिटी, रोटरी क्लब डोंबिवली इस्ट, वेस्टचे सदस्य व इतर मान्यवर उपस्थित होते. डॉन बॉस्को शाळेच्या विद्यार्थ्यांनी उत्कृष्ट बँड वादन करून सर्वांचे लक्ष वेधून घेतले. कार्यक्रमाचे सूत्रसंचालन सौ. सुप्रिया कुलकर्णी यांनी केले.
कोणत्याही टिप्पण्या नाहीत
टिप्पणी पोस्ट करा