माजी नगरसेवक संजय पावशे यांनी सामाजिक बांधिलकी जपत खासदार डॉ. श्रीकांत शिंदे यांच्या वाढदिवसानिमित्त कोपरमध्ये केला हळदी- कुंकू समारंभ उत्साहात साजरा..

प्रतिनिधी: अवधुत सावंत

डोंबिवली, दि. ५ फेब्रुवारी - माजी नगरसेवक संजय पावशे यांच्या शिवसेना शाखा कार्यालय, प्रभाग क्रमांक ६५ कोपरगाव अंतर्गत कै. लक्ष्मण कृष्णा पावशे सामाजिक संस्था (रजि.) यांच्या वतीने डॉ. श्रीकांत एकनाथ शिंदे यांच्या वाढदिवसानिमित्त आयोजित हळदी- कुंकू समारंभ मोठ्या उत्साहात पार पडला.

या कार्यक्रमात परिसरातील महिलांनी मोठ्या संख्येने सहभाग घेतला. हळदी- कुंकू कार्यक्रमांतर्गत महिलांना वाण म्हणून सुमारे ५ हजार पाण्याच्या बाटल्यांचे वितरण करण्यात आले. तसेच सामाजिक बांधिलकी जपत प्रभागातील वृद्ध नागरिकांनाही बाटल्यांचे वाटप करण्यात आले. या कार्यक्रमासाठी आलेल्या महिलांना भगवा फेटा ही बांधण्यात आला. कार्यक्रमाच्या निमित्ताने महिलांमध्ये आनंदाचे वातावरण दिसून आले. एकत्र येत सणासुदीचा उत्साह साजरा करण्याची संधी मिळाल्याने महिलांनी आयोजकांचे आभार मानले. सामाजिक उपक्रमातून सर्वसामान्य नागरिकांशी नाते अधिक दृढ करण्याचा प्रयत्न या कार्यक्रमातून दिसून आला. हा उपक्रम यशस्वी करण्यासाठी शिवसेनेचे पदाधिकारी, कार्यकर्ते तसेच सामाजिक संस्थेचे सदस्य यांनी विशेष परिश्रम घेतले.

कल्याण लोकसभेचे संसदरत्न खासदार डॉ. श्रीकांत शिंदे व उपमुख्यमंत्री एकनाथ शिंदे यांच्या वाढदिवसानिमित्त पिंपळेश्वर मंदिरात महामृत्युंजय जप..

प्रतिनिधी: अवधुत सावंत

डोंबिवली, दि. ४ फेब्रुवारी : कल्याण लोकसभेचे लोकप्रिय संसदरत्न खासदार डॉ. श्रीकांत एकनाथ शिंदे तसेच महाराष्ट्राचे उपमुख्यमंत्री एकनाथ शिंदे यांच्या वाढदिवसानिमित्त डोंबिवली येथील पिंपळेश्वर महादेव मंदिरात भक्तिमय वातावरणात महामृत्युंजय जपाचे आयोजन करण्यात आले होते.

या धार्मिक कार्यक्रमात त्यांच्या दीर्घायुष्य, उत्तम आरोग्य तसेच यशस्वी आणि लोकाभिमुख नेतृत्वासाठी महादेवाच्या चरणी प्रार्थना करण्यात आली. संपूर्ण कार्यक्रमात भक्तीमय व सकारात्मक वातावरण अनुभवायला मिळाले. या प्रसंगी मोठ्या संख्येने शिवसैनिक, पदाधिकारी तसेच भाविक नागरिक उपस्थित होते. उपस्थितांनी जपात सहभाग घेत सर्वांच्या कल्याणासाठी प्रार्थना केली.

त्यावेळी आमदार राजेश मोरे, उप जिल्हा प्रमुख राजेश कदम, माजी नगरसेवक संजय पावशे, शाखा संघटक अपर्णा पावशे, प्रकाश म्हात्रे, प्रेमा म्हात्रे, सूरज राजन मराठे, पंढरीनाथ पाटील,  दिनेश शिवलकर, बालन मोरे, संतोष तळाशीकर, श्रीकांत कोर्ते, विजय दुधवडकर, स्वप्नील पाटील, सागर जेधे, केतकी पवार, अस्मिता खानविलकर, इंदिरा भोईर, उपजिल्हा संघटक, सुनील मालणकर, समस्त शिवसैनिक, महिला आघाडी, पदाधिकारी कार्यकर्ते उपस्थित होते.

ऐतिहासिक कॉइन्स व स्टॅम्प पेपर, आंतरशालेय विज्ञान प्रदर्शन व पोस्टर्स स्पर्धा; एकूण दीड लाख रुपयांची रोख बक्षीसे..

प्रतिनिधी: अवधुत सावंत

डोंबिवली - विद्यार्थ्यांच्या कला गुणांना वाव देण्यासाठी २०१४ पासून डावखर इन्फ्रा, रिजन्सी ग्रुप, समर्थ पेट्रोलियम, एनए सोल्युशन, डावखर फाउंडेशन, डावखर फिल्म यांच्या संयुक्त विद्यमाने विज्ञान आणि इतिहास विषयावर आधारित प्रदर्शनाचे आयोजन करण्यात येते.

४५ शाळा, २५,००० विद्यार्थ्यांचा सहभाग

विद्यार्थ्यांमधील कला गुणांना संधी देण्यासाठी त्यांच्यातल्या शास्त्रज्ञांना वाव देण्यासाठी कल्याण-डोंबिवली परिसरातील विद्यार्थ्यांसाठी आंतर शालेय विज्ञान प्रदर्शन २९ व ३० जानेवारी २०२६ रोजी बेलग्रेव स्टेडियम, रीजन्सी अनंतम, डोंबिवली (पूर्व) येथे सकाळी १० ते संध्याकाळी ८ या वेळेत पार पडले. सदरचे प्रदर्शन हे सर्वांसाठी विनामूल्य होते. तसेच शाळांसाठी बसची सेवा देखील उपलब्ध करून देण्यात आली होती. यावर्षी ऐतिहासिक कॉइन्स आणि स्टॅम्प पेपर चे प्रदर्शन देखील आयोजित करण्यात आले होते. विद्यार्थ्यांना विज्ञान विषयामध्ये स्वारस्य घेण्यास प्रवृत्त करण्यासाठी विशेष आंतरशालेय विज्ञान प्रदर्शन आयोजित करण्यात आले होते. तसेच पोस्टर स्पर्धेचे देखील आयोजन करण्यात आले होते. जिंकणाऱ्या शिक्षकांना व विद्यार्थ्यांना रोख पारितोषिक, पदक, प्रमाणपत्र व सन्मान चिन्ह देण्यात आले असून या वर्षी ४५ शाळा सहभागी झाल्या होत्या तर ८० प्रोजेक्ट मांडण्यात आले होते. प्रदर्शनाचे सूत्रसंचालन सुप्रसिद्ध निवेदक, अभिनेता प्रणव भांबुरे यांनी केले. ५ ते ७ आणि ८ ते १० अशा २ गटामध्ये स्पर्धा झाली आणि १.५० लाखाची बक्षीस विजेत्यांना मिळवली.

विज्ञान प्रदर्शनासाठी एआय आधारित स्मार्ट सुरक्षा, सोलार ट्रेकिंग सिस्टम, स्मार्ट कचरा वर्गीकरण, हायड्रोजन फ्युएल सेल, स्वयंचलित रोप पाणीपुरवठा, प्लास्टिक ते इंधन संकल्पना, पायजोइलेक्ट्रिक फूड स्टेप पावर जनरेटर आणि पोस्टर्स स्पर्धेसाठी हवामान बदल, एआय व रोबोटिक्स, चंद्रयान-३ मोहीम, पाणी वाचवा जीवन जगवा, प्लास्टिक प्रदूषण जनजागृती, मानवी मेंदू, हेल्दी फूड विरुद्ध जंक फूड, विद्यार्थ्यांसाठी सायबर सुरक्षा, सौरमंडळ असे विविध विषय देण्यात आले होते.

विज्ञान प्रदर्शनात ५ ते ७ वी गटात 'ओमकार इंग्लिश स्कूल' आणि 'डॉन बॉस्को स्कूल' प्रथम क्रमांक विभागून तर 'ॐकार केंब्रिज स्कूल' यांना द्वितीय आणि 'गणेश विद्यालय' यांना तृतीय तसेच ८ ते १० वी गटात प्रथम क्रमांक 'रतनबुवा पाटील विद्यालय' यांना देण्यात आला. तर द्वितीय 'शंकरा विद्यालय' आणि 'श्री चैतन्य टेक्नो स्कूल' विभागून आणि तृतीय 'सेंट जॉन स्कूल' यांना देण्यात आला. पोस्टर स्पर्धेमध्ये अनुक्रमे ५ ते ७ वी गटात 'गणेश विद्या मंदिर', 'शंकरा विद्यालय', 'न्यू श्री वाणी विद्यालय' यांनी प्रथम द्वितीय तृतीय आणि ८ ते १० वी गटात 'ॐकार इंटरनॅशनल स्कूल', 'बी टी गायकवाड इंग्लिश स्कूल', 'सेंट जॉन स्कूल' यांनी प्रथम द्वितीय तृतीय क्रमांक मिळवला आहे. तर बेस्ट प्रेझेंटर म्हणून 'गणेश विद्यालय'चा अनुज काटले आणि नूतन ज्ञान मंदिरची काव्या तुपे यांना पुरस्कार मिळाला.

'जे एम एफ' शिक्षण संस्थेमध्ये रौप्य महोत्सवी वर्षा अंतर्गत 'जे एम एफ रौप्य पुरस्कार' प्रदान तसेच 'रेडियो जे एम एफ ध्वनी ८८.४' चे उद्घाटन व 'जे एम एफ' रौप्य प्रवास' स्मरणिका सोहळा संपन्न..

प्रतिनिधी: अवधुत सावंत 

डोंबिवली दि.२३ - जान्हवी मल्टी फाउंडेशन (जे एम एफ) शिक्षण संस्थेमध्ये दिनांक १९ ते २४ जानेवरी पर्यंत सुरू असलेल्या सांस्कृतिक कार्यक्रमात प्रति काला घोडा मोहोत्सव तसेच शाळा, महाविद्यालयांचे 'प्रेरणोत्सव वार्षिक स्नेह संमेलन' मोठ्या जल्लोषात पार पडला. 'जे एम एफ' शिक्षण संस्थेला यंदा २५ वर्ष पूर्ण झाली त्या अनुषंगाने वर्षभर विविध कार्यक्रम करून 'रौप्य महोत्सव' साजरा केला गेला.

"जुनं तेच सोनं" या उक्ती प्रमाणे पुन्हा एकदा नव्याने 'जे एम एफ' शिक्षण संस्थेमध्ये वसंत पंचमीच्या मुहूर्तावर "जे एम एफ ध्वनी ८८.४" या रेडिओ स्टेशन चे उद्घाटन "जे एम एफ रौप्य प्रवास" स्मरणिका प्रकाशित  करण्यात आली. प्रमुख पाहुणे श्री.परशुरामजी भांगे, सौ. पुष्पा भांगे त्याच बरोबर संस्थापक अध्यक्ष डॉ. राजकुमार कोल्हे, संस्थापिका सचिव डॉ. प्रेरणा कोल्हे, खजिनदार जान्हवी कोल्हे, महाविद्यालयाचे प्राचार्य डॉ. नाडर सर त्याच बरोबर हे कार्य तडीस नेण्यासाठी अथक परिश्रम घेतलेले श्री. कुमार दुपटे व इतर पदाधिकारी व या योजनेसाठी कार्यरत असलेले सदस्य यांच्या हस्ते "जे एम एफ ध्वनी ८८.४" चे उद्घाटन करण्यात आले. 'जे एम एफ' संस्थेच्या शिरपेचात अजून एक मानाचा तुरा खोवला गेला तो म्हणजे शंभर शहरांमध्ये प्रसारित  होणारा "जे एम एफ ध्वनी ८८.४" रेडिओ चॅनल म्हणजे सर्व सामान्य लोकांना 'जे एम एफ' परिवारातील सदस्य म्हणून जोडला जाणारा दुवाच असलयाचे उद्गार संस्थापक अध्यक्ष डॉ.राजकुमार कोल्हे यांनी काढले. चोवीस तास सुरू असलेल्या 'जे एम एफ ध्वनी' मध्ये शाळा महाविद्यालयातील विद्यार्थ्यांचे सांस्कृतिक कार्यक्रम सुरूच राहतील. शाळेच्या गोंगाटामधे किलबिल करणारी ही मुले "जे एम एफ ध्वनी ८८.४" च्या माध्यमातून गाण्याचा, गोष्टीचा, नाटकाचा, 'किलबिल' कार्यक्रम करण्यास सज्ज आहेत असे उद्गार संस्थापिका सचिव डॉ. प्रेरणा कोल्हे यांनी काढले. लहानापासून ते वृध्द व्यक्तीपर्यंत सर्वांनाच आनंद देणारे श्राव्य माध्यम म्हणजे रेडिओ. म्हणूनच संस्थापक डॉ. राजकुमार कोल्हे आणि सचिव यांच्या संकल्पनेतून "जे एम एफ ध्वनी ८८.४" ची संकल्पना साकारली गेली.

दिनांक २३ जानेवारी रोजी ब्रह्मा रंगतालय मंचावर "जे एम एफ रौप्यगौरव पुरस्कार" वितरण सोहळा पार पडला. स्मरणिके साठी संतोष पवार व निमा बृजेश यांचे फार मोठे योगदान ठरले. 'जे एम एफ' शिक्षण  संस्थेसाठी केलेले उल्लेखनीय व प्रेरणादायी कार्याची पोचपावती म्हणून शाळा महाविद्यालयांमध्ये कार्यरत असलेले निवडक सदस्यांना "रौप्यगौरव पुरस्कार स्मृतिचिन्ह" प्रदान करण्यात आले. संस्थेचे संस्थापक अध्यक्ष डॉ. राजकुमार कोल्हे, संस्थापिका सचिव डॉ. प्रेरणा कोल्हे आणि खजिनदार जान्हवी कोल्हे यांनी संस्थेच्या रजत महोत्सवी निवडक सदस्यांना पुरस्कार प्रदान केला. दिलेल्या कामाची जबाबदारी आणि पूर्तता केलेल्या कामाची दखल घेतली जाणे हाच खरंतर मोठा पुरस्कार आहे. संस्थापक अध्यक्ष डॉ. राजकुमार कोल्हे, संस्थापिका सचिव डॉ. प्रेरणा कोल्हे आणि खजिनदार जान्हवी कोल्हे यांच्या हस्ते निवडक सदस्यांना रौप्यगौरव पुरस्कार प्रदान करण्यात आला त्याच बरोबर 'जे एम एफ' मधील सर्व कौटुंबिक सदस्यांना देखील रजत महोत्सवी भेटवस्तू देण्यात आली.

पुरस्कार हा केवळ पुरस्कार नसून आपण केलेल्या कार्याची पोचपावती आहे, आणि ही पोचपावती जपून ठेवून येणाऱ्या अनेक वर्षात मोठ्या उत्साहात आणि परिश्रमाने कार्य करत राहणे  म्हणजे हा प्राप्त झालेला पुरस्कार एक प्रकारचे स्फूर्तीदायी आणि शक्ती वर्धक औषधचं आहे, असे संस्थापक डॉ. राजकुमार कोल्हे यांनी आपल्या भाषणात म्हटले व पुरस्कारकर्त्यांचे अभिनंदन केले.

'जे एम एफ' रौप्य गौरव पुरस्कार मिळाला म्हणून इथेच न थांबता एक पाऊल पुढे टाकताना इतरांनाही आपल्या बरोबरीने पुढे घेऊन चला आणि 'जे एम एफ' शिक्षण संस्थेचे नाव अजून उज्वल करा असे सांगत सचिव डॉ. प्रेरणा कोल्हे यांनी सर्व पुरस्कार विजेत्यांचे अभिनंदन केले व पुढील वाटचालीसाठी त्यांना शुभेच्छा दिल्या. नृत्य, गायन, नाटिका या कार्यक्रमाचे सादरीकरण करून आणि भोजनाचा आस्वाद घेऊन 'जे एम एफ' संस्थेचा रजत महोत्सव मोठ्या धूमधडाक्यात साजरा केला गेला.

रोटरी क्लब ऑफ डोंबिवली (ईस्ट) आयोजित 'व्होकेशनल एक्सलन्स अवॉर्ड' समारोह संपन्न..

प्रतिनिधी: अवधुत सावंत

डोंबिवली : रोटरी क्लब ऑफ डोंबिवली ईस्ट आयोजित Vocational Excellence Award (व्होकेशनल एक्सलन्स अवॉर्ड) कार्यक्रमाचे सुंदर आयोजन हे शनिवार दिनांक १७ जानेवारी रोजी रोटरी भवन डोंबिवली येथे करण्यात आले होते. कार्यक्रमाचे प्रमुख पाहूणे हे निवृत्त माजी भारतीय प्रशासकीय अधिकारी श्री. महेश झगडे हे होते. ह्या वर्षीचा पुरस्कार हा विविध क्षेत्रातील मान्यवरांना प्रदान करण्यात आला त्यात चित्रलेखा वैद्य (पर्यावरण आणि कचरा व्यवस्थापन), चारुदत्त कोलारकर (सामाजिक सेवा), अर्णव पटवर्धन (युवा पक्षीतज्ज्ञ) आणि सुधाश्री ट्रस्ट (सामाजिक कार्य) ह्यांना प्रदान करण्यात आला. शेला, श्रीफळ आणि सन्मानचिन्ह असे पुरस्काराचे प्रमुख स्वरूप होते. तसेच विशेष असा जीवन गौरव पुरस्कार हा श्री. जे के. साबू ह्यांना मरणोत्तर प्रदान करण्यात आला. 

'व्होकेशनल एक्सलन्स अवॉर्ड'' समारोहासाठी डोंबिवली मधील अनेक मान्यवर उपस्थित होते. रोटरी क्लब ऑफ डोंबिवली (ईस्ट) चे अध्यक्ष डॉ. संदीप घरत, क्लब चे सचिव विनायक आगटे, प्रकल्प प्रमुख मानस पिंगळे, प्रकल्प संचालक दीपक नेरकर, माजी रोटरी जिल्हा प्रांतपाल डॉ. उल्हास कोल्हटकर, रोटरी सदस्य आरती बापट, संगीता पाखले, वीणा बेडेकर, शंतनू पुराणिक, पूनम यादव, वर्षा नेरकर राजन सावरे, सतीश अटकेकर, मंजिरी घरत, क्लब चे माजी अध्यक्ष कौस्तुभ कशेळकर, रघुनाथ लोटे, राधिका गुप्ते पुढील वर्षीचे अध्यक्ष अथर्व जोशी आणि इतर अनेक क्लब चे सदस्य उपस्थित होते. कार्यक्रमाचे सूत्रसंचालन हे रोटेरिअन विश्राम परांजपे ह्यांनी केले.

'अनिल आय हॉस्पिटल'च्या ठाणे येथील सातव्या रुग्णालयाचे १८ जानेवारी रोजी उद्घाटन..

प्रतिनिधी: अवधुत सावंत

डोंबिवली : ठाणे जिल्ह्यात गेली तब्बल ५४ वर्षे विश्वासार्ह व दर्जेदार नेत्रसेवा देणारे 'अनिल आय हॉस्पिटल' ठाणे शहरात आपल्या दुसऱ्या आणि एकूण सातव्या रुग्णालयाचे उद्घाटन करत आहे. हे अत्याधुनिक नेत्ररुग्णालय १८ जानेवारी २०२६ रोजी ठाणे पश्चिम येथे सुरू होत आहे. या रुग्णालयाचे उद्घाटन कल्याण लोकसभेचे कार्यसम्राट लोकप्रिय खासदार मा. डॉ. श्रीकांत शिंदे यांच्या शुभहस्ते होणार असून, मा. श्री. नरेश म्हस्के हे गेस्ट ऑफ ऑनर म्हणून कार्यक्रमाला उपस्थित राहणार आहेत. यावेळी ठाणे व परिसरातील अनेक मान्यवर, डॉक्टर, सामाजिक व राजकीय क्षेत्रातील प्रतिष्ठित व्यक्तींची उपस्थिती अपेक्षित आहे.

पांचपाखाडी, भक्ती मंदिर रोड येथे सुरू होणाऱ्या या नव्या रुग्णालयामध्ये अत्याधुनिक नेत्रतपासणी, मोतीबिंदू शस्त्रक्रिया, रेटिना, ग्लॉकोमा, बाल नेत्रचिकित्सा तसेच लेझर उपचार यांसारख्या सर्व सुविधा एकाच छताखाली उपलब्ध करून देण्यात येणार आहेत. सन १९७२ साली सुरू झालेल्या अनिल आय हॉस्पिटलने आज डोंबिवली (पूर्व व पश्चिम), ठाणे, कल्याण, पलावा, बदलापूर अशा विविध भागांमध्ये आपल्या सेवांचा विस्तार केला असून, हजारो रुग्णांच्या विश्वासावर ही संस्था उभी आहे.

याबाबत बोलताना 'अनिल आय हॉस्पिटल'च्या संचालिका तसेच महाराष्ट्र ऑप्थॅल्मॉलॉजिकल सोसायटी (MOS) च्या अध्यक्षा डॉ. अनघा हेरूर म्हणाल्या, “ठाणेकरांनी दिलेल्या प्रेम व विश्वासामुळेच आम्ही ठाणे शहरात दुसरे रुग्णालय सुरू करत आहोत. दर्जेदार, आधुनिक आणि रुग्णकेंद्रित नेत्रसेवा प्रत्येकापर्यंत पोहोचवणे हेच आमचे ध्येय आहे.” ठाणे शहरातील नागरिकांसाठी हे नवीन रुग्णालय नेत्रसेवेच्या दृष्टीने एक महत्त्वाची उपलब्धी ठरणार आहे.

कार्यक्रम तपशील

📅 दिनांक: १८ जानेवारी २०२६

⏰ वेळ: सकाळी १० ते दुपारी २

📍 पत्ता: अनिल आय हॉस्पिटल,

दुसरा मजला, भक्ती मंदिर रोड,

पंचपाखाडी, नेक्सा शोरूमच्या वर, ठाणे (पश्चिम)

संपर्क: ९९२५२३५९६९

सार्वत्रिक महापालिका निवडणूक २०२५-२६ साठी निवडणूक यंत्रणा सज्ज!

प्रतिनिधी: अवधुत सावंत

कल्याण दि.१३ - कल्याण-डोंबिवली महानगरपालिका सार्वत्रिक निवडणूक  २०२५-२६ साठी महापालिका निवडणूक यंत्रणा सज्ज झाली असून, या सार्वत्रिक निवडणूकीत ३१ पॅनलमध्ये बहुसदस्य पध्दतीने निवडणूक संपन्न होणार आहे. या निवडणूकीसाठी १५४८ मतदान केंद्रांवर आणि ३८२ ठिकाणी मतदानाची प्रक्रिया संपन्न होणार आहे. यापैकी १०१३ मतदान केंद्रे तळ मजल्यावर, ९ मतदान केंद्रे पहिला मजल्यावर, ४७१ मतदान केंद्रे पार्टीशन स्वरुपात, ५५ मंडपात असणार आहेत. महापालिका क्षेत्रात एकुण १४,२५,०८६ इतकी मतदारांची संख्या असून, त्यापैकी एकुण ७,४५,६६४ पुरुष मतदार, एकुण ६,७८,८७० स्त्री मतदार व इतर मतदारांची संख्या ५५२ इतकी आहे. 

महापालिका सार्वत्रिक निवडणूकीची मतमोजणी एकुण ८ ठिकाणी (निवडणूक निर्णय अधिकारी २ व ४ ची मतमोजणी एका ठिकाणी) होणार असून, त्यांची माहिती खालील प्रमाणे..

१. निवडणूक निर्णय अधिकारी - १ यांचेकडील पॅनल क्रमांक – २, ३ व ४ ची मतमोजणी बिर्ला वन्य, केडीएमटी इमारत, तळ मजला, शहाड (पश्चिम).

२. निवडणूक निर्णय अधिकारी - २ यांचेकडील पॅनल क्रमांक – १, ५, ६ व १० ची मतमोजणी मुंबई विद्यापीठ यांचे उपकेंद्र, वसंतव्हॅली, खडकपाडा, कल्याण (पश्चिम).

३. निवडणूक निर्णय अधिकारी - ३ यांचेकडील पॅनल क्रमांक – ७, ८ व ९ ची मतमोजणी प्रभाग क्षेत्र ३/क चे कार्यालय, तळ मजल्यावरील वाहन पार्किंग क्षेत्र,‍ आधारवाडी, कल्याण (‍पश्चिम).

४. निवडणूक निर्णय अधिकारी - ४ यांचेकडील पॅनल क्रमांक – ११, १२ व १८ ची मतमोजणी मुंबई विद्यापीठ यांचे उपकेंद्र, वसंतव्हॅली, खडकपाडा, कल्याण (पश्चिम).

५. निवडणूक निर्णय अधिकारी - ५ यांचेकडील पॅनल क्रमांक – १३, १४, १५ व १६ ची मतमोजणी साकेत कॉलेज, १०० फुटी रस्ता, राम म्हात्रे चौक, काटेमानिवली, कल्याण (पूर्व).

६. निवडणूक निर्णय अधिकारी - ६ यांचेकडील पॅनल क्रमांक – २०, २६, २७ व २८ ची मतमोजणी आयईएस पाटकर विद्यालय, राजाजी पथ, डोंबिवली (पूर्व) या शाळेच्या स्टील्ट हॉलमध्ये.

७. निवडणूक निर्णय अधिकारी - ७ यांचेकडील पॅनल क्रमांक – २१, २२, २३ व २५ ची मतमोजणी कडोंमपा शाळा क्र. २०, रेती बंदर रोड, मोठा गांव, डोंबिवली (पश्चिम).

८. निवडणूक निर्णय अधिकारी - ८ यांचेकडील पॅनल क्रमांक – २९ व ३० ची मतमोजणी धनजी नानजी चौधरी विद्यालय हॉल, पहिला मजला, नांदीवली, डोंबिवली (पूर्व).

९. निवडणूक निर्णय अधिकारी - ९ यांचेकडील पॅनल क्रमांक – १७, १९ व ३१ ची मतमोजणी सावित्रीबाई फुले कलामंदिर, घरडा सर्कल, डोंबिवली (पूर्व).

अनिल आय हॉस्पिटलच्या डोंबिवली पश्चिम येथील सहाव्या शाखेचे भव्य उद्घाटन संपन्न..

प्रतिनिधी: अवधुत सावंत

डोंबिवली दि.११:  ठाणे जिल्ह्यात गेली तब्बल ५४ वर्षे विश्वासार्ह व दर्जेदार नेत्रसेवा देणाऱ्या 'अनिल आय हॉस्पिटल' च्या डोंबिवली पश्चिम येथील सहाव्या शाखेचे उद्घाटन आज दिनांक ११ जानेवारी २०२६ रोजी मोठ्या उत्साहात पार पडले. या नव्या अत्याधुनिक आय क्लिनिकचे उद्घाटन महाराष्ट्र भाजपा प्रदेशाध्यक्ष नामदार मा. श्री. रविंद्र चव्हाण साहेब यांच्या शुभहस्ते संपन्न झाले. 

यावेळी श्री. परणाद  मोकाशी, श्री. जितेंद्र भोईर, श्री. शैलेन्द्र भोईर तसेच श्री. भाई पानवडीकर यांची प्रमुख उपस्थिती लाभली. याशिवाय डोंबिवली व परिसरातील अनेक मान्यवर, डॉक्टर, सामाजिक व राजकीय क्षेत्रातील प्रतिष्ठित व्यक्तींनी कार्यक्रमाला उपस्थित राहून शुभेच्छा दिल्या.

डोंबिवली पश्चिम येथील 'अनिल आय हॉस्पिटल' ची ही सहावी नवीन शाखा नागरिकांसाठी नेत्रसेवेच्या दृष्टीने एक मोठी पर्वणी ठरली असून, आता अत्याधुनिक नेत्रतपासणी, मोतीबिंदू शस्त्रक्रिया, रेटिना, ग्लॉकोमा, बाल नेत्रचिकित्सा व लेझर उपचार अशा सर्व सुविधा घराजवळ उपलब्ध होणार आहेत. उद्घाटनप्रसंगी बोलताना मा. श्री. रविंद्र चव्हाण यांनी 'अनिल आय हॉस्पिटल'च्या दीर्घकालीन आणि समाजोपयोगी नेत्रसेवेचे विशेष कौतुक करत पुढील वाटचालीस शुभेच्छा दिल्या.

यावेळी 'अनिल आय हॉस्पिटल'च्या संचालिका तसेच महाराष्ट्र ऑप्थॅल्मॉलॉजिकल सोसायटी (MOS) च्या अध्यक्षा डॉ. अनघा हेरूर यांनी डोंबिवलीकरांनी दिलेल्या प्रेम, आपुलकी व विश्वासाबद्दल मनापासून आभार मानले. त्या म्हणाल्या, “डोंबिवलीकरांच्या विश्वासामुळेच आज आम्ही सातत्याने सेवा विस्तार करू शकलो आहोत. दर्जेदार, आधुनिक व रुग्णकेंद्रित नेत्रसेवा भविष्यातही आमच्या कडून अखंडपणे सुरू राहील, याची आम्ही खात्री देतो.”

अनिल आय हॉस्पिटल हे विश्वास, अनुभव आणि आधुनिक नेत्रसेवेचे प्रतीक असून डोंबिवली पश्चिम येथील या नव्या शाखेमुळे परिसरातील नागरिकांसाठी उच्च दर्जाची आय केअर अधिक सुलभ होणार असून, ही शाखा नेत्रसेवेत एक नवा मानदंड प्रस्थापित करेल, असा विश्वास व्यक्त करण्यात आला.

'अनिल आय हॉस्पिटल' चे डोंबिवली पश्चिम येथे सहाव्या शाखेचे दि.११ जानेवारी रोजी उद्घाटन..

प्रतिनिधी: अवधुत सावंत

डोंबिवली - ठाणे जिल्ह्यातील नेत्रसेवेत गेली तब्बल ५४ वर्षे विश्वासार्ह सेवा देणारे 'अनिल आय हॉस्पिटल' आता डोंबिवली पश्चिम येथे आपल्या सहाव्या शाखेचे उद्घाटन करत आहे. हे नवीन अत्याधुनिक आय क्लीनिक ११ जानेवारी २०२६ रोजी उद्घाटनासाठी सज्ज होत आहे.

सन १९७२ साली सुरू झालेला 'अनिल आय हॉस्पिटल'चा प्रवास आज ठाणे जिल्ह्यातील डोंबिवली (पूर्व), डोंबिवली (पश्चिम), ठाणे, कल्याण, निळजे पलावा, बदलापूर अशा विविध भागांमध्ये विस्तारला असून हजारो रुग्णांच्या विश्वासावर ही संस्था उभी आहे.

डोंबिवली पश्चिम येथील या नव्या शाखेमुळे परिसरातील नागरिकांना अत्याधुनिक नेत्रतपासणी, मोतीबिंदू शस्त्रक्रिया, रेटिना, ग्लॉकोमा, बाल नेत्रचिकित्सा व लेझर उपचार  यांसारख्या सर्व सुविधा आता घराजवळ उपलब्ध होणार आहेत. या शाखेच्या उद्घाटनप्रसंगी भाजपा प्रदेशाध्यक्ष नामदार श्री. रवींद्र चव्हाण  यांच्या शुभहस्ते उद्घाटन संपन्न होणार असून, श्री पर्नाद मोकाशी सह डोंबिवली व परिसरातील अनेक मान्यवर, डॉक्टर, सामाजिक व राजकीय क्षेत्रातील प्रतिष्ठित व्यक्ती उपस्थित राहणार आहेत.

यावेळी बोलताना 'अनिल आय हॉस्पिटल'च्या संचालिका तथा महाराष्ट्र ऑप्थॅल्मॉलॉजिकल सोसायटी (MOS) च्या अध्यक्षा डॉ. अनघा हेरूर म्हणाल्या, “डोंबिवलीकरांचे प्रेम, आपुलकी आणि विश्वास यामुळेच आम्ही सातत्याने पुढे वाटचाल करू शकलो. दर्जेदार व प्रगत नेत्रसेवा प्रत्येक रुग्णापर्यंत पोहोचवणे हेच आमचे ध्येय आहे. लवकरच ठाणे येथे आमची सातवी शाखा सुरू होणार आहे.” डोंबिवली पश्चिम येथील ही नवीन शाखा परिसरातील नागरिकांसाठी आय केअर च्या दृष्टीने एक मोठी उपलब्धी ठरणार आहे.

दिनांक: ११ जानेवारी २०२६

वेळ: ११ ते २

पत्ता: अनिल आय हॉस्पिटल, तळमजला, घनश्याम कॉम्प्लेक्स, डीएनएस बँक जवळ, एमजी रोड डोंबिवली (पश्चिम)

संपर्क :

अनिल आय हॉस्पिटल

+91 99252 35969

स्थानिक नागरिकांचे स्पष्ट मत – स्वप्नील मळमंडेंनाच तिकीट द्यावे | विशेष बातमी

संदिप कसालकर

अंधेरी परिसरात गेल्या काही दिवसांपासून एकच चर्चा ऐकू येत आहे — “ज्याने शून्यातून संघटना उभी केली, त्यालाच संधी मिळाली पाहिजे.”

ही भूमिका कोणत्याही पक्षाच्या वतीने मांडलेली नसून, स्वतः स्थानिक नागरिक, कार्यकर्ते आणि मतदार व्यक्त करत आहेत.

स्थानिकांचे म्हणणे आहे की 2022 नंतर जेव्हा परिसरात शिवसेनेची शाखा नव्याने उभी राहत होती, तेव्हा स्वप्नील मळमंडे यांनी एकट्याने सुरुवात करून आज मजबूत संघटनात्मक रचना उभी केली. घराघरात जाऊन संपर्क, लोकांच्या अडचणी ऐकून घेणे, सरकारी योजनांचे फॉर्म भरून देणे, महिला सक्षमीकरणाचे उपक्रम राबवणे — ही कामे निवडणूक डोळ्यांसमोर ठेवून नव्हे, तर रोजच्या कामातून झाली, असे नागरिक सांगतात.

महिला लाभार्थ्यांना घरघंटी, शिलाई मशीन मिळवून देणे, पोलीस वसाहतीतील रेशनकार्ड व आरोग्य प्रश्न मार्गी लावणे, पाण्याची अडचण तातडीने सोडवणे, रस्ते, गटार, ड्रेनेज यासाठी पाठपुरावा — “ही कामे आम्ही प्रत्यक्ष अनुभवली आहेत,” असे स्थानिकांचे म्हणणे आहे.

बूथ पातळीवर पुरुष व महिला गटप्रमुख, शिवदूतांचे नेटवर्क आणि थेट संपर्क यामुळे “आमच्यापर्यंत पोहोचणारा कार्यकर्ता” अशी ओळख स्वप्नील मळमंडे यांनी निर्माण केली आहे. त्यामुळे आज येणाऱ्या निवडणुकीच्या पार्श्वभूमीवर, “ज्याने संघटना बांधली, मतदार जोडले आणि परिसरासाठी झटला, त्यालाच उमेदवारी मिळावी,” अशी ठाम भूमिका स्थानिक नागरिक मांडत आहेत.

स्थानिकांचे हेही म्हणणे आहे की,

“आम्हाला मोठी भाषणे नकोत, आमच्यासोबत रस्त्यावर उभा राहणारा नगरसेवक हवा आहे.”

आणि याच निकषावर स्वप्नील मळमंडेंचे नाव अग्रक्रमावर असल्याचे नागरिक स्पष्टपणे बोलून दाखवत आहेत.

म्हणून ही मागणी कोणत्याही प्रचारातून नव्हे, तर स्थानिक जनतेच्या अनुभवातून पुढे येत आहे —

अंधेरीतून उमेदवारी द्यायचीच असेल, तर ती स्वप्नील मळमंडेंनाच द्यावी, असे स्थानिकांचे ठाम मत आहे.

'करवी इंटरनॅशनल स्कूल'मध्ये तिसरा वार्षिक क्रीडा महोत्सव उत्साहात संपन्न..

विशेष प्रतिनिधी

दिवा :  'करवी इंटरनॅशनल स्कूल'मध्ये तीन दिवसीय वार्षिक क्रीडा महोत्सव अत्यंत उत्साहपूर्ण वातावरणात पार पडला. या क्रीडा महोत्सवात प्ले ग्रुप, नर्सरी, ज्युनियर केजी व सीनियर केजीच्या विद्यार्थ्यांनी मोठ्या आनंदाने सहभाग नोंदवला.

या महोत्सवात विद्यार्थ्यांच्या मोटर स्किल्सच्या विकासावर विशेष भर देण्यात आला होता. शाळेच्या पटांगणात विविध प्रकारचे नाविन्यपूर्ण व वयोगटाला अनुरूप खेळ आयोजित करण्यात आले होते. सॅक रेस, लेमन अँड स्पून रेस, बॉल इन द बास्केट, कप टॉवर, फ्रॉग जंप, बलून बॅलन्स तसेच कॉन्सेंट्रेशन ऍण्ड कॉ-ऑर्डिनेशन यांसारख्या खेळांमध्ये चिमुकल्यांनी उत्स्फूर्त सहभाग घेतला.

या क्रीडा महोत्सवाचे आयोजन शाळेच्या प्राचार्या कविता खंडेराव यांच्या नेतृत्वाखाली व शाळेचे संस्थापक रविंद्र वानखडे यांच्या मार्गदर्शनाखाली करण्यात आले. विद्यार्थ्यांच्या चेहऱ्यावर दिसणारा आनंद, उत्साह आणि आत्मविश्वास यामुळे संपूर्ण कार्यक्रम अधिकच रंगतदार झाला.

या यशस्वी क्रीडा महोत्सवासाठी शाळेतील शिक्षकवृंद, शिक्षकेतर कर्मचारी तसेच सर्व सहकाऱ्यांचे मोलाचे योगदान लाभले. विद्यार्थ्यांनी दाखवलेला उत्साह व खेळांतील धमालमुळे हा क्रीडा महोत्सव सर्वांसाठी संस्मरणीय ठरला.

पत्रकारांच्या डोळ्यांची काळजी डिजिटल युगात महत्त्वाची ! प्रेस क्लब कल्याण रौप्य महोत्सवानिमित्त पत्रकारांसाठी नेत्र आरोग्य मार्गदर्शन शिबिर संपन्न..

प्रतिनिधी: अवधुत सावंत

कल्याण -: पत्रकार नेहमी बातमी मिळविण्यासाठी दिवसभर खूप धडपड करीत असतो पण तो स्वतःची काळजी कधीच घेत नाही. त्यातच आजच्या डिजिटल युगात सतत मोबाईलवर काम करत राहणे त्यामुळे डोळ्यांवर प्रचंड ताण येत आहे. डोळ्यांवर येणारा ताण प्रत्येक जण दुर्लक्षित करीत आहे याकडे दुर्लक्ष न करता आपल्या आरोग्याची काळजी व डोळ्यांची निगा राखणे महत्वाचे असून याकडे दुर्लक्ष करू नका असा सल्ला देत डोळ्यांची काळजी कशी घ्यावी व यासाठी काय करावे लागेल याबाबतची विस्तृतपणे माहिती ईशा नेत्रालय खडकपाडा शाखेच्या वरिष्ठ रेटिना शल्यचिकित्सक डॉ. पुष्पांजली रामटेके यांनी प्रेस क्लब कल्याण आयोजित वार्तालाप सोहळ्या प्रसंगी दिली.

कल्याण-डोंबिवली शहर परिसरात गेल्या पंचवीस वर्षांपासून पत्रकारांसाठी कार्यरत राहणारी ठाणे जिल्ह्यातील पहिली रजिस्टर संस्था 'प्रेस क्लब कल्याण' ला पंचवीस वर्ष पूर्ण होत असल्याने रौप्य महोत्सवी वर्ष साजरे करीत आहे त्यानिमित्त पत्रकारांच्या डोळ्यांची काळजी आणि डोळ्यांची निगा राखण्यासाठी कल्याण खडकपाडा येथील ईशा नेत्रालयाचा वार्तालाप सोहळा पार पडला. यावेळी डॉ. पुष्पांजली रामटेके, बाल नेत्र तज्ञ डॉ. स्नेहा पेशवाणी प्रेस क्लब चे अध्यक्ष आनंद मोरे, कार्याध्यक्ष कुणाल म्हात्रे, सचिव विष्णूकुमार चौधरी आदी सह अन्य पदाधिकारी व सदस्य उपस्थित होते. याप्रसंगी पत्रकारांनी डोळ्यांची काळजी कशी घ्यावी, रोज मोबाईलवर किती काम करावे, झोप किती घ्यावी, आराम कसा करावा अशा अनेक बाबींचा ऊहापोह डॉ. पुष्पांजली रामटेके यांनी केला. बाल नेत्र डॉ. स्नेहा पेशवाणी यांनी लहान मुलांच्या डोळ्यांची काळजी आधी पासूनच कशी करावी याबाबत अनेक उदाहरण देत मार्गदर्शन केले. डोळ्यांची तपासणी व शस्त्रक्रिया महागडी आहे म्हणून दुर्लक्ष करू नका, डोळे आहेत तर आपण जग बघू शकू व बातम्या करू शकतो त्यामुळे आपल्या डोळ्यांची सर्वांनी काळजी घ्यावी असे आवाहन प्रेस क्लब चे ज्येष्ठ सदस्य दत्ता भाटे यांनी केले. तर कार्याध्यक्ष कुणाल म्हात्रे यांनी उपस्थित मान्यवरांनी दिलेल्या माहितीकडे दुर्लक्ष न करता डोळ्यांची वेळेवर तपासणी करा असे यावेळी सांगितले. वार्तालाप सोहळ्या प्रसंगी ईशा नेत्रालयाच्या वतीने उपस्थित पत्रकारांना व त्यांच्या कुटुंबाच्या डोळ्यांची मोफत तपासणीचे फॅमिली कार्ड आणि आय मास्क देऊन पत्रकारांचा सन्मान करण्यात आला. उपस्थित मान्यवर डॉक्टरांनी पत्रकारांनी विचारलेल्या प्रश्नांची उत्तरे दिली व शंकाचे निरसन केले. 

या वार्तालापा प्रसंगी ईशा नेत्रालय खडकपाडा शाखेचे विस्तार अधिकारी गौरव कांबळे, शाखा अधिकारी राजश्री वाघ, विशाखा शहा आदी मान्यवरांचे जेष्ठ सदस्य नवीनभाई भानुशाली, अतुल फडके, सचिन सागरे, राजेश जाधव, रवि चौधरी यांनी स्वागत केले या वार्तालापाला ज्येष्ठ पत्रकार बापू वैद्य, आर टी. सुरळकर, नाना म्हात्रे, दिलीप पाटणकर, रविंद्र खरात, संतोष होळकर, केतन बेटावदकर, आकाश गायकवाड, चारुशीला पाटील, राजू काऊतकर, सिद्धार्थ कांबळे, नारायण सुरोशी, संभाजी मोरे आदी सह विविध दैनिकाचे आणि वृत्तवाहिनीचे पत्रकार उपस्थित होते. या सोहळ्याचे सूत्रसंचालन अशोक कांबळे यांनी आपल्या बहारदार शैलीत केले तर दत्ता भाटे यांनी आभार व्यक्त केले.

ठाणे खंडणी विरोधी पथकाच्या कारवाईत एम.डी.(मेफेड्रोन) विक्री करणाऱ्या इसमाकडुन १०.८८ लाख रूपये किंमतीचा १०८.८ ग्रॅम वजनाचा अंमली पदार्थ, एक अग्नीशस्त्र व एक जिवंत काडतुस जप्त..

प्रतिनिधी: अवधुत सावंत

ठाणे : गोपनिय बातमीदारांकडुन प्राप्त माहितीच्या आधारे दिनांक ८/१२/२०२५ रोजी २२.५० वा. कल्याण पूर्वेतील आडवली, ढोकळी, हाजीमंलग रोड, येथील काका ढाबा, येथे असलेल्या श्री. गजानन रेसिडेन्सी, दिनकर विहार को.ऑप हौ.सोसायटी लिमि. रुम नं. ००२, डी-विंग याठिकाणी इसम नामे आकिब इकबाल बागवान (वय: ३३ वर्षे) हा एकुण १०८ ग्रॅम ८ मिलीग्रॅम वजनाचा १०,८८,०००/- रुपये किंमतीचा एम.डी.(मफेड्रोन) हा अंमली पदार्थ विक्री करण्याकरिता जवळ बाळगला असताना व ५०,०००/- रुपये किंमतीची विनापरवाना गावठी बनावटीचे पिस्टल अग्नीशस्त्र बेकायदेशीररित्या जवळ बाळगुन ठेवले असल्याने मिळुन आला म्हणुन आरोपी नामे १) आकिब इकबाल बागवान याच्या विरुध्द मानपाडा पोलीस स्टेशन गुन्हा रजि नंबर १५०२/२०२५ एनडीपीएस ऍक्ट १९८५ कलम ८ (क), २१ (क), सह भारतीय हत्यार कायदा कलम ३,२५ सह म.पो. कायदा कलम ३७ (१)१३५ प्रमाणे गुन्हा दाखल करण्यात आला. सदरचा आरोपी हा सराईत गुन्हेगार असुन बाजारपेठ पोलीस स्टेशन, कल्याण गुन्हा रजि नं. ५०५/२०२५ एन.डी.पी.एस कलम ८ (क) २२ (ब) व ५६०/२०२५ एन.डी.पी.एस कलम ८ (क) २२ (क) या दोन गुन्ह्यातील पाहिजे आरोपी असल्याचे निष्पन्न झाले आहे. गुन्ह्यातीलं अटक आरोपी याच्याकडे चौकशी केली असता सदरचे अग्नीशस्त्र त्याने भरत शत्रुध्न यादव याच्याकडुन घेतल्याचे सांगितले.

त्यामुळे गुन्ह्यातील पाहिजे आरोपी नामे २) भरत शत्रुध्न यादव याचा तांत्रिक विश्लेषन व गुप्त बातमीदाराच्या आधारे शोध घेवुन त्यास ताब्यात घेतल्यानंतर त्याच्या अंगझडती मध्ये एक जिवंत काडतुस मिळुन आले.

सदर गुन्ह्याच्या तपासामध्ये एकुण २ आरोपीना अटक करण्यात आलेली असुन त्यांच्याकडुन १०८.८ ग्रॅम वजनाचा एम.डी.(मेफेड्रोन) हा अंमली पदार्थ व एक अग्नीशस्त्र व एक जिवंत काडतुस असा एकुण ११,४१,०००/- रूपये किंमतीचा मुद्देमाल जप्त करण्यात आला. सदर गुन्ह्याचा पुढील तपास सपोनि. सुनिल तारमळे, नेम - खंडणी विरोधी पथक, ठाणे हे करीत आहे.

सदरची कारवाई श्री.अमरसिंह जाधव, पोलीस उप आयुक्त, (गुन्हे), ठाणे, श्री. विनय घोरपडे, सहायक पोलीस आयुक्त, शोध - २, गुन्हे शाखा, ठाणे यांचे मार्गदर्शनाखाली खंडणी विरोधी पथकाचे वरिष्ठ पोलीस निरीक्षक श्री. शैलेश साळवी, सपोनि. सुनिल तारमळे, सपोउपनिरी. भोसले, कानडे, पोहवा. ठाकुर, राठोड, शिंदे, पाटील, गायकवाड, जाधव, गडगे, मपोहवा. पावस्कर, चापोहवा. हिवरे, पोशि. वायकर, पाटील, शेजवळ, मपोशि. भोसले यांनी केली आहे.