कल्याण दि.१२ : मी एक जबाबदार नागरिक, ही भावना सगळ्यांच्या मनात आली तर विकासाचा वेग वाढेल असे प्रतिपादन कल्याण-डोंबिवली महापालिका आयुक्त डॉ. इंदुराणी जाखड़ यांनी आज बोलताना केले, "मेरा युवा भारत" या केंद्र शासनाच्या उपक्रमा अंतर्गत कल्याण-डोंबिवली महानगरपालिका आणि प्रेस क्लब, कल्याण यांच्या संयुक्त विद्यामाने कल्याण मधील आचार्य अत्रे रंगमंदिर येथे "महापालिका कामकाज व महापालिकेचा अर्थसंकल्प" या विषयाबाबत महाविद्यालयीन विद्यार्थ्यां समवेत आयोजिलेल्या चर्चासत्रात विद्यार्थ्यांसमवेत संवाद साधताना महापालिका आयुक्त डॉ. इंदुराणी जाखड़ यांनी हे प्रतिपादन केले.
"माय युवा भारत" हे शासनाचं डिजिटल व्यासपीठ असून सर्व युवा वर्गाला एकमेकांना जोडण्यासाठी तुमच्या कल्पना देण्यासाठी केंद्र शासनाने हे डिजिटल व्यासपीठ तयार केले असून युवा वर्गाने <mybharat.gov.in> रजिस्ट्रेशन करून 'मेरा युवा भारत' या अभियानात सहभागी व्हावे असे आवाहन या उपक्रमाचे नोडल ऑफिसर प्रशांत भागवत यांनी आपल्या प्रास्ताविकात केले. कार्यक्रमाचे बहारदार सूत्रसंचालन जनसंपर्क विभाग प्रमुख संजय जाधव आणि उद्यान अधीक्षक महेश देशपांडे यांनी केले.
कोणत्याही टिप्पण्या नाहीत
टिप्पणी पोस्ट करा