डोंबिवली दि.११ : शिवसेनेचे कल्याण लोकसभेत तब्बल तिसऱ्यांदा निवडून आलेले खासदार डॉ. श्रीकांत एकनाथ शिंदे यांच्या संकल्पनेतून ११ ऑगस्ट रोजी डोंबिवली पूर्वेकडील मानपाडा रोडवरील 'होरायझन' सभागृहात भव्य नोकरी महोत्सवाचे आयोजन करण्यात आले होते. या नोकरी महोत्सवाचे आयोजन शिवसेना डोंबिवली शहरप्रमुख राजेश मोरे यांच्यातर्फे करण्यात आले. या नोकरी महोत्सवात सुमारे ५००० तरुणांनी सहभाग घेतला. या रोजगार मेळाव्यात १३० हून अधिक नामांकित कंपन्यांचा सहभाग होता, ज्यामुळे हजारो तरुणांना रोजगाराच्या संधी उपलब्ध झाल्या. स्थानिक तरुणांना रोजगाराच्या दृष्टीने या नोकरी महोत्सव उपक्रमाचा मोठा लाभ झाला आहे.
