डोंबिवली दि. ११ : डोंबिवली पश्चिमेच्या रेल्वे स्थानकाचा कायापालट होणार आहे. पश्चिम व पूर्व परिसराचे सुशोभीकरण करण्यात आले आहे. या सुशोभीकरणाचे उद्घाटन राज्याचे बांधकाममंत्री श्री. रवींद्र चौहान यांच्या हस्ते शुक्रवारी संपन्न झाले.

यापूर्वी रेल्वे स्थानक परिसरात अनेक अतिक्रमणे होती, बेकायदेशीर लॉटरी बुथ होते, घाणीचे साम्राज्य होते. डोंबिवलीच्या जडणघडणीत मोलाचे योगदान देणाऱ्या नामवंत साहित्यिक आणि कलाकारांच्या शिलालेखांनी रस्त्यावरील रेल्वे स्थानकाकडे जाणारी भिंत सजलेली आहे. या रेल्वे स्थानकाच्या सुशोभिकरणामुळे डोंबिवली शहरातील नागरिकांमध्ये आनंदाची भावना पसरली असून हे शहर ऐतिहासिक होणार आहे. 

यावेळी मंत्री श्री रवींद्र चव्हाण यांनीही उपस्थित नागरिकांना संबोधित करताना शहरातील विकास कामांची माहिती दिली. व्यासपीठावर सभापती नाना सूर्यवंशी, माजी सभापती शशिकांत कांबळे, माजी नगरसेवक  शैलेश धात्रक, विकास म्हात्रे, मंदार हळबे, मुकुंद (विशु) पेडणेकर, विश्वदीप पवार, पूनम पाटील, वर्षा परमार  आदी मान्यवर तसेच कार्यकर्ते मोठ्या संख्येने उपस्थित होते.