डोंबिवली : माझे आणि सदानंद थरवळ यांचे अनेक वर्षांचे ऋणानुबंध असून ते माझा निवडणूक अर्ज भरण्याच्या वेळी नेहमीप्रमाणे यंदाही आले, याही वेळी त्यांनी मला भरभरून आशीर्वाद दिला. त्यांनी मैत्री सदैव जपली. त्यांच्यासह माझ्यावर प्रेम करणाऱ्या हजारो डोंबिवलीकर नागरिकांनी मंगळवार २९ तारखेला अर्ज भरण्यापूर्वी आवर्जून येऊन माझा आत्मविश्वास वाढवला.
नागरिकांचे वाढते प्रेम आणि आपुलकी याने मला उत्साह मिळतो, माझ्यात चैतन्य पसरते. थरवळ कुटुंबीयांनी मला नेहमीच सहकार्य केले आहे. आताही निवडणूकित जे सहकार्य लागेल ते मित्र म्हणून करण्याचे त्यांनी सांगून त्या सगळ्यांचे सार्वजनिक बांधकाम मंत्री रविंद्र चव्हाण यांनी आभार मानले.