डोंबिवली - मार्गशीर्ष शुक्ल एकादशी हा भगवत गीतेच्या जयंतीचा दिवस म्हणून साजरा केला जातो. सुमारे पाच हजार वर्षापूर्वी श्रीकृष्णाने धनुर्धारी अर्जुनला रणभूमीवर जीवनविषयक संदेश दिला व 'श्रीमद भगवत गीता' लिहिली गेली. हिंदू धर्मातील श्रीमद भगवत गीता हा जन माणसातील अमूल्य उपदेश ठेवा आहे. 'जे एम एफ' शिक्षण संस्था अंतर्गत जन गण मन इंग्लिश शाळा आणि विद्यामंदिर मध्ये देखील गीता जयंती उत्साहाने व धार्मिकतेने साजरी करण्यात आली. इयत्ता पहिली व दुसरीच्या विद्यार्थ्यांनी भगवत गीते मधील काही अध्याय कथन करून शिक्षिका सौ.श्रेया कुलकर्णी, सौ. आरती वैद्य व भक्ती पुरोहित यांनी त्याचा अर्थही समजाऊन सांगितला.