डोंबिवली - औषध विक्रेत्यास पोलीसांकडून जबरदस्ती दुकानातून बाहेर काढत दुकान बंद करण्याच्या निषेधार्थ शेकडो केमिस्ट बांधवांनी डोंबिवली पोलीस स्टेशनवर हल्लाबोल केला. आमदार राजेश मोरे, केमिस्ट संघटनेचे अध्यक्ष जगन्नाथ शिंदे यांच्या उपस्थितीत पोलीस प्रशासनाला निवेदन सादर करण्यात आले. त्यावेळी मेडिकल दुकानावर भविष्यात हेतूपूर्वक कोणतीही कारवाई करण्यात येणार नाही असे आश्वासन डोंबीवलीचे सहायक पोलीस आयुक्त सुहास हेमाडे यांनी यावेळी मेडिकल असोसिएशनच्या शिष्टमंडळला दिले. पोलीस प्रशासनाकडून संघटनेच्या सर्व मागण्या यावेळी मान्य करण्यात आल्या.
डोंबिवली केमिस्ट असोसिएशनचे चेअरमन निलेश वाणी, सचिव संजू भोळे, रेवाशंकर गोमतीवाल, विलास शिरूडे, राजेश कोरपे, लीना विचारे यांनी यावेळी प्रशासन समवेत चर्चा केली.