'ब्राह्मण बिझनेस नेटवर्क ग्लोबल असोसिएशन' या संस्थेची सातवी वार्षिक जागतिक परिषद डोंबिवली येथील सावित्रीबाई फुले सभागृहात दिनांक १२  आणि १३ फेब्रुवारी २०२३ रोजी सकाळी नऊ ते संध्याकाळी सहा वाजेपर्यंत पार पडणार आहे. ही संस्था जगभरातील ब्राह्मण व्यावसायिकांना एकमेकांशी व्यावसायिक रित्या जोडण्यासाठी कार्यरत आहे आणि त्याच माध्यमातून समाज बांधवांना नोकरी पेशातून व्यावसायिक आणि उद्योगी बनवण्यात आणि पर्यायाने देशाच्या आर्थिक विकासात महत्त्वाचे योगदान देण्यात परिवर्तित करत आहे. या परिषदेच्या उद्घाटन प्रसंगी माननीय पद्मभूषण पद्मविभूषण आणि पद्मश्री सन्मानित ज्येष्ठ संशोधक श्री. अनिलजी काकोडकर उपस्थित राहणार आहेत तसेच सार्वजनिक बांधकाम मंत्री, महाराष्ट्र शासन मा. श्री. रवींद्रजी चव्हाण ह्यांची पण उपस्थिती लाभणार आहे. 

  डोंबिवली येथील तसेच डोंबिवली बाहेरील सन्माननीय प्रथित यश असे उद्योगपती आणि महत्त्वाच्या पदांवर कार्यरत असलेले विविध सन्माननीय व्यक्ती वक्ते म्हणून सहभागी होणार आहेत ज्यामध्ये सर्वश्री सतीश मराठे, संजय लोंढे, दीपक घैसास, उदय निरगुडकर, संजय खरे, डॉक्टर अजय शेष, शशांक पेंडसे, निवृत्त लष्करी अधिकारी सुदर्शन हसबनीस इत्यादी मान्यवर व्यक्ती सहभागी होऊन उपस्थितांना मार्गदर्शन करणार आहेत.