पूणे : १४ नोव्हेंबर हा आपण बाल दिन म्हणून साजरा करतो यानिमित्त एफएफसिपी - मुस्कान संस्थेच्या वतीने बाल लैंगिक अत्याचार या विषयाची जनजागृती करण्यात आली. सध्याच्या काळात बाल लैंगिक अत्याचारांच्या घटना वाढत चालल्या आहेत. या बाल लैंगिक अत्याचारांच्या घटना घडू नये तसेच अश्या घटना घडत असल्यास अश्या घटना रोखण्यासाठी आपण एक पाऊल पुढे उचलले पाहिजे या साठी हा कार्यक्रम घेण्यात आला. हा कार्यक्रम छत्रपती संभाजी महाराज उद्यान पासून कलाकार कट्टा तेथून उद्यान पर्यंत घेण्यात आला यामध्ये ५० पेक्षा अधिक लोक बाल लैंगिक विरोधात चालले. यातून समाजामध्ये बाल लैंगिक अत्याचाराबाबत तसेच पॉक्सो कायद्याबाबत पोस्टर्स च्या माध्यमातून जनजागृती करण्यात आली. या कार्यक्रमासाठी मा. अशोक घोरपडे (मुख्य उद्यान अधीक्षक), पुणे महानगर पालिका यांचे सहकार्य लाभले. या कार्यक्रमाचे प्रास्ताविक कीर्ती दिनी यांनी केले. तर परिश्रम प्रमोद पाटील, पूजा कडू व संपूर्ण टीम यांनी घेतले. यासाठी संस्थेच्या संचालिका शुभदा रणदिवे, शर्मिला राजे व शर्मिला खेर यांचे मोलाचे मार्गदर्शन मिळाले.
कोणत्याही टिप्पण्या नाहीत
टिप्पणी पोस्ट करा