मुंबई : 'महा इनडोअर क्रिकेट असोसिएशन'च्या मान्यतेने 'महामुंबई इनडोअर क्रिकेट स्पोर्ट्स असोसिएशन' तर्फे महिला इनडोअर क्रिकेट निवड चाचणी स्पर्धेचे आयोजन अर्बन स्पोर्ट्स टर्फ, पार्क क्लब, केळुस्कर मार्ग, छ. शिवाजी महाराज मैदानाजवळ, दादर (प.) मुंबई येथे केले होते. या स्पर्धेला महिलांनी उत्स्फूर्त प्रतिसाद दिला. या स्पर्धेत अंतिम सामन्यात के. व्ही. क्लबने एम.पी. शहा क्लबवर विजय साजरा करत स्पर्धेचे जेतेपद मिळवले.
अंतिम सामन्यात के.व्ही. क्लबने एम.पी. शहा क्लबवर ५० धावांनी विजय साजरा केला. या सामन्यात के.व्ही. क्लबने प्रथम फलंदाजी करताना १६ षटकात ११९ धावा केल्या तर एम.पी. शहा क्लबने १६ षटकात ६९ धावाच करता आल्या. पहिल्या चार षटकात के.व्ही. क्लबच्या समृद्धीने (१४ धावा), सुनंदाने (२५ धावा) धावा चोपत अवांतर धावांसह धावफलकावर ४२ धावा लावत संघाला एक आश्वासक सुरवात करून दिली. त्यांनतर आलेल्या के.आर्या व उषाने पुढच्या चार षटकात निराशाजनक कामगिरी करताना वजा २१ धावा झाल्याने संघाला २१ धावांचे नुकसान झाले. त्यनंतर आलेल्या एस. आर्याने (१९ धावा) व सईने चार षटकात २७ धावांची भर घातली. शेवटच्या चौथ्या जोडीने आर. शेजलने (३८ धावा, २ षटकार, १ चौकार) व बी. परेराने (३३ धावा, ३ षटकार, १ चौकार) जोरदार खेळी करताना अवांतर धावांसह शेवटच्या चार षटकात ७१ धावांची भर घातल्याने संघाला धावफलकावर ११९ धावा लावता आल्या.
कोणत्याही टिप्पण्या नाहीत
टिप्पणी पोस्ट करा