संदिप कसालकर (संपादक)
मुंबई | बुधवार – मुंबई-पुणे एक्सप्रेसवेवरील भातन बोगद्यात आज सकाळी एक मोठा अपघात झाला. बांगलादेशी कैद्यांना घेऊन जाणाऱ्या पोलिसांच्या पिंजऱ्याच्या गाडीला अचानक ब्रेक लागल्याने मागून येणाऱ्या ST बसने जोरदार धडक दिली. या अपघातात जवळपास ५० जण जखमी झाले असून त्यात १२ पोलिस गंभीर जखमी झाले आहेत. सुदैवाने कैद्यांना कोणतीही गंभीर इजा झालेली नाही.
या गाड्यांमध्ये ९ ते १० पिंजरे होते, म्हणजेच वेगवेगळ्या पोलिसांच्या वाहनांमधून कैदी नेले जात होते. धक्कादायक म्हणजे या अपघातामुळे काही काळ संपूर्ण एक्सप्रेसवेवर वाहतूक ठप्प झाली होती. पोलिसांनी आणि अपघातग्रस्त गाड्यांनी रस्ता अडवल्यामुळे मागे मोठा ट्रॅफिक जाम झाला होता.
अपघातानंतर जखमींना तातडीने पनवेलच्या MGM रुग्णालयात दाखल करण्यात आले. सध्या त्यांच्यावर उपचार सुरू आहेत. घटनास्थळी पोलीस आणि महामार्ग सुरक्षा पथक तातडीने पोहोचले आणि परिस्थिती नियंत्रणात आणली.
अंदाजानुसार अपघाताचे मुख्य कारण म्हणजे अचानक ब्रेक आणि मागील वाहनाकडून आलेली अतिवेगाची धडक. पण नेमकं कारण शोधण्यासाठी पोलीस अधिक तपास करत आहेत.
ही घटना पुन्हा एकदा विचार करायला लावते – कैद्यांच्या सुरक्षेच्या वाहनांची रचना आणि ताफ्याचं व्यवस्थापन नेमकं किती सुरक्षित आहे? याचा गंभीर विचार होणं गरजेचं आहे.
कोणत्याही टिप्पण्‍या नाहीत
टिप्पणी पोस्ट करा