संदिप कसालकर (संपादक)
मुंबई | बुधवार – आज सकाळी अकरा वाजता अंधेरी पूर्वेतील पेपरबॉक्स इंडस्ट्रियल एरियामधील एका केमिकल कंपनीत भीषण आग लागल्याने परिसरात काही काळ मोठा गोंधळ निर्माण झाला. धुराचे लोट आणि उष्णतेमुळे स्थानिकांमध्ये भीतीचं वातावरण पसरलं. सुदैवाने कोणतीही जीवितहानी झाली नाही.
घटनेची माहिती मिळताच MIDC पोलिस आणि अग्निशमन दल घटनास्थळी दाखल झाले. जवानांनी तत्काळ कारवाई करत आगीवर नियंत्रण मिळवण्याचं काम सुरू केलं.
सध्या ८० टक्के आग आटोक्यात आली असून उर्वरित आग विझवण्यासाठी प्रयत्न युद्धपातळीवर सुरू आहेत. आगीचं नेमकं कारण अद्याप समजू शकलेलं नाही.
- केमिकलचा साठा असल्याने आग वेगाने पसरली
- वेळेवर मदत पोहोचल्याने मोठा अनर्थ टळला
- पोलिसांकडून अधिक तपास सुरू
आग नेमकी कशी लागली आणि कंपनीत सुरक्षा उपाय कितपत होते, याचा तपास आता सुरू आहे.
हा अपघात की दुर्लक्ष? – याचं उत्तर तपासातून मिळेल...
कोणत्याही टिप्पण्‍या नाहीत
टिप्पणी पोस्ट करा