दिवा – ग्लोबल इंग्लिश स्कूल, दिवा (पूर्व) यांनी २० व २१ डिसेंबर रोजी रुणवाल ग्राउंड येथे शाळेचा पहिला वार्षिक कार्निव्हल मेळा मोठ्या उत्साहात साजरा केला. सदर कार्यक्रम हा दोन दिवस आयोजित करण्यात आलेला होता. सदर कार्यक्रमास पहिल्या दिवशी मुंब्रा पोलीस स्टेशन चे वरिष्ठ पोलीस निरीक्षक अनिल शिंदे व दुसऱ्या दिवशी नितीन पगार पोलीस निरीक्षक मुंब्रा पोलीस स्टेशन व राजू पाचोरकर पोलीस निरीक्षक व इतर मान्यवर उपस्थित होते.
सन्मानीय अतिथी यांच्या हस्ते दीपप्रज्वलन करून कार्यक्रमाची सुरुवात झाली व त्याचे उपस्थितिने कार्यक्रमाची शोभा वाढवली. विद्यार्थ्यांच्या सांस्कृतिक सादरीकरणांनी कार्यक्रमात रंग भरला. या मेळ्यात नृत्यप्रस्तुती, लाईव्ह गायन, जादूचे प्रयोग, मिमिक्री तसेच टॅलेंट हंट अशा विविध कार्यक्रमांचे आयोजन करण्यात आले होते. विद्यार्थ्यांनी आपल्या कौशल्यांचे प्रभावी सादरीकरण केले. याशिवाय विज्ञान प्रदर्शन, मनोरंजक खेळ, विविध राईड्स आणि शिक्षक-विद्यार्थ्यांनी आयोजित केलेला खाद्यपदार्थ विभाग हेही विशेष आकर्षण ठरले. पालक, विद्यार्थी व शिक्षक यांच्या उत्स्फूर्त सहभागामुळे शाळेचा पहिला कार्निव्हल मेळा यशस्वी व अविस्मरणीय ठरला.
कोणत्याही टिप्पण्या नाहीत
टिप्पणी पोस्ट करा