डोंबिवली दि.०३: आज सकाळ पासून स्थानिक मासे विक्रेत्यांनी आंदोलन करत डोंबिवलीत स्थानिक मासेविक्रेता आणि बाहेरून येणाऱ्या मासे विक्रेत्यांमधील वाद पुन्हा एकदा उफाळून आला आहे. शुक्रवारी मोठ्या संख्येने डोंबिवली येथील मासे विक्रेते बाहेरुन येणाऱ्या मासे विक्रेत्यांना विरोध करण्यासाठी डोंबिवली पश्चिमेतील उमेश नगर मधील रस्त्यावर उतरले होते. वसईहून मासे विक्रेते डोंबिवलीत येऊन मासे विक्री करतात त्यामुळे स्थानिक मासे विक्रेत्यांच्या व्यवसायावर परिणाम झाला असून उपासमार सुरू असल्याचा आरोप डोंबिवलीतील स्थानिक मासे विक्रेत्यांनी केला. वसईहून डोंबिवलीत येणाऱ्या मासे विक्रेत्यांनी वसईतच मासे विक्री करावी त्यांनी डोंबिवलीत येऊ नये अशी मागणी स्थानिक मासे विक्रेत्या आगरी कोळी महिलांनी केली. गेल्या अनेक वर्षांपासून ही मागणी करत असूनही अद्याप काहीच तोडगा न निघाल्याने आज डोंबिवलीचे स्थानिक मासे विक्रेत्यांनी या निषेधार्थ डोंबिवलीतील मच्छी मार्केट बंद ठेवलं होतं. याबाबत पोलीसांनी मध्यस्थी करत याबाबत तोडगा काढण्यात येईल असे सांगितले.
कोणत्याही टिप्पण्या नाहीत
टिप्पणी पोस्ट करा