डोंबिवली दि.२२: ज्या दिवसाची, ज्या क्षणाची करोडो भारतवासी आतुरतेने वाट बघत होते तो दिवस, तो क्षण अखेरीस अयोध्येत ५५० वर्षांनी आला आणि असंख्य भारतवासियांचे डोळ्याचे पारणे फिटले. असाच सोनेरी दिवस म्हणजेच २२ जानेवारी २०२४, शुद्ध द्वादशी,मृगशिर्ष नक्षत्र ब्रह्मा योग ह्या शुभ मुहूर्तावर 'जे एम एफ' संस्थेमध्ये 'रामलल्ला' च्या बालरूपातील मूर्तीची प्रतिष्ठापना संस्थेचे अध्यक्ष माननीय डॉ. राजकुमार कोल्हे व त्यांच्या सुविद्य पत्नी तसेच संस्थेच्या सचिव माननीय डॉ. प्रेरणा कोल्हे यांच्या कर कमलाने प्रस्थापित झाली.
न भूतो, न भविष्यती असा हा सोहळा पाहण्यासाठी शाळेतील सर्व विद्यार्थी व त्यांचे असंख्य पालक वर्ग, शिक्षक, आवर्जून उपस्थित राहिले होते. साक्षात अयोध्या नगरीतील प्रभू श्रीरामाच्या मंदिराची संस्थेच्या 'ब्रह्मा रंगतालय' येथे मंदिराची हुबेहूब प्रतिकृती श्री. विठ्ठल कोल्हे यांनी साकारली होती. श्री. पिसाट यांनी मंदिराच्या शेजारीच वाहती 'शरयू नदी' साकारली होती. शाळेतील छोटे विद्यार्थी, विद्यार्थीनी राम, लक्षण, सीता, हनुमान आणि सर्व रामायण मधील व्यक्तिरेखाच्या वेशभूषे मधे आले होते.
सर्वात प्रथम शाळेच्या प्रवेशद्वारातून राम, लक्षण, सीता, हनुमान आणि सर्व रामायणातील सगळ्या व्यक्तिरेखा यांचे कोल्हे दामपत्यांनी त्यांचे पाय प्रक्षाळून व आरती ओवाळून, फुलांच्या पायघड्या घालून, ढोल ताशांच्या गजरात स्वागत केले. 'जय श्रीराम, जय श्रीराम' ह्या नाद घोषांनी शाळा दुमदुमून गेली. अंगावर शहारा आणणारे हे दृश्य पाहून सर्वांच्या डोळ्यात भावनिक आणि आनंदी अश्रूंची जणू धारा वाहू लागल्या. 'जे एम एफ' मंडपम्, मधुबन वातानुकुलीत दालन येथून मिरवणूक काढून थेट 'ब्रह्मा रंगतालय' येथे साकारण्यात आलेल्या मंदिरामध्ये राम, लक्षण सीता, हनुमान ह्यांना फुलांचा वर्षाव करत आगमन झाले. रामलल्लाच्या चांदीच्या मूर्तीला निषाद रानडे ह्या इयत्ता नववी मधील विद्यार्थ्याने वेद मंत्र तसेच श्लोक उच्चारून कोल्हे दाम्पत्य व त्यांचा कन्या जान्हवी कोल्हे यांच्या हस्ते अभिषेक करण्यात आला.
"निरागस हे बालरूप पाहून हरपले चित्त राम नामाच्या जपामध्ये तल्लीन झाले सारे भक्त"
कोणत्याही टिप्पण्‍या नाहीत
टिप्पणी पोस्ट करा