डोंबिवली : दिनांक २७ जानेवरी रोजी डोंबिवलीतील 'वर्धमान महोत्सव' निमित्त 'जे एम एफ' संस्थेत महान तपस्वी जैन मुनी श्री आचार्य महाश्रमणजी यांचे पावन आगमन झाले. आचार्य श्री महाश्रमणजी जागतिक अणू व्रत आंदोलन चालवतात. व्यवहार शुध्दी, नैतिकता, प्रामाणिकपणा व संयम यांचं हे आंदोलन करण्यात आले.
प्रथमतः स्वतःचा प्रामाणिकपणा, कुणालाही न फसवणे, अहिंसा परमो धर्मा : ह्या धर्मांचे पालन करा, त्याच बरोबर भ्रमणध्वनी (मोबाईल) मधे जास्त वेळ न घालवता वाचन करा व रात्री लवकर झोपून सकाळी सूर्योदयापूर्वी उठा व संध्याकाळी सूर्यास्त पूर्वी भोजन करा असे मार्गदर्शनपर वक्तव्य आचार्यांनी केले. अनेक विद्यार्थ्यांनी कुतूहलाने त्यांच्या जीवनचर्या बाबत अनेक प्रश्न आचार्यांना विचारले, व त्यांनी ही उत्साह पूर्वक मुलांच्या सर्व प्रश्नांना उत्तरे दिली. सर्व मुलांनी अणूव्रत गीत व विज्ञान गीत गायले.
कोणत्याही टिप्पण्या नाहीत
टिप्पणी पोस्ट करा