डोंबिवली दि.२९ : मानपाडा पोलीस ठाण्यांचे हददीत टाटा नाका परिसर येथे दिनांक २६/०३/२०२४ रोजी एक इसम बेकायदेशीर रित्या विनापरवाना पिस्टल (अग्नीशस्त्र) सोबत बाळगुन फिरत असल्याबाबत खात्रीशीर माहिती मिळाल्याने त्याप्रमाणे वरिष्ठांच्या मार्गदर्शनाखाली गुन्हे प्रकटीकरण पथकाच्या वेगवेगळया टिम तयार करुन गुन्ह्यातील आरोपीस पकडण्याकरीता सापळा लावण्यात आला. गुप्त बातमीदार तसेच आरोपीच्या वर्णना नुसार आरोपीचा शोध घेवून आरोपी राम उर्फ शिवा फुलचंद कनोजीया (वय: ४३ वर्षे) रा. अमर म्हात्रे चाळ, रूम नं ०१, देसलेपाडा, डोंबिवली पुर्व यास गुन्हे प्रकटीकरण पथकाने शिताफीने ताब्यात घेवून त्याच्याकडुन एक विदेशी बनावटीचे पिस्टल व दोन जिवंत काडतुस असा एकुण २,००,४००/- रू. किंमतीचा मुददेमाल जप्त करण्यात आला. नमुद आरोपी याच्या विरूध्द मानपाडा, डोंबिवली, पनवेल शहर, टिटवाळा पोलीस स्टेशन येथे यापुर्वी ६ गुन्हे दाखल आहेत.
कोणत्याही टिप्पण्या नाहीत
टिप्पणी पोस्ट करा