BREAKING NEWS
latest

सार्वजनिक वाचनालय कल्याण आयोजित बालशिबिराचा शुभारंभ..



प्रतिनिधी: अवधुत सावंत


कल्याण दि.२२ : मुलांच्या संस्कारक्षम वयातच वाचन संस्कारासोबत इतर संस्कारांची पायाभरणी करणे गरजेचे आहे. अनेक कलावंताना घडविण्याचे कार्य सार्वजनिक वाचनालय कल्याणने केले आहे. १६० वर्षाची वाचन परंपरा जपण्याबरोबरच या बालशिबिराच्या माध्यमातून येणाऱ्या भावी पिढीशीही नाळ वाचनालयाने जोडून ठेवली आहे. झगमगाटी दुनियेत चमकणारे कलावंत आपल्याला दिसतात पण त्यामागे त्यांनी घेतलेले अविरत परिश्रमही लक्षात घेतले पाहिजेत. पालकांनीही या पिढीच्या मनापर्यंत पोहचण्याकरिता त्यांना आपुलकीने जवळ घेतले पाहिजे तरच या पिढीतले अंतर कमी होईल असा मोलाचा सल्ला सुप्रसिद्ध निवेदक, मराठी कलाकार प्रणव भांबुरे यांनी सार्वजनिक वाचनालय कल्याण आयोजित “चला ऐकुया गोष्टी आजींच्या” या बालशिबिराच्या उद्घाटन प्रसंगी बालगोपाळांना दिला. प्रसंगी सार्वजनिक वाचनालय कल्याणच्या विविध उपक्रमांची माहिती व बालशिबिर आयोजनाचा मानस सहग्रंथपाल करुणा कल्याणकर यांनी आपल्या मनोगतातून व्यक्त केला.