मुरबाड : भिवंडी लोकसभा मतदार संघातील महायुतीचे उमेदवार कपिल पाटील यांच्या प्रचारार्थ माऊली गार्डन येथे प्रमुख कार्यकर्ता मेळावा महाराष्ट्र राज्याचे उपमुख्यमंत्री देवेंद्र फडणवीस यांच्या प्रमुख उपस्थितीत पार पडला. यावेळी राज्याचे माजी उत्पादन शुल्क मंत्री जगन्नाथ पाटील, आमदार किसन कथोरे, शिक्षक आमदार ज्ञानेश्वर म्हात्रे, कुणबी सेना प्रमुख विश्वनाथ पाटील, लोकसभा उमेदवार कपिल पाटील, उपाध्यक्ष राष्ट्रवादी काँग्रेस महाराष्ट्र प्रदेश प्रमोद हिंदुराव, शिवसेना उपनेता प्रकाश पाटील, सुभाष दादा पवार, उल्हास बांगर, सुभाष अप्पा घरत, वैशाली घरत, मेहबूब पैठणकर, राजेश पाटील, अरविंद मोरे सह विविध पक्षाचे कार्यकर्ते मोठ्या संख्येने उपस्थित होते.
यावेळी सभेस सुभाष दादा पवार, प्रमोद हिंदुराव, आमदार किसन कथोरे तसेच लोकसभा उमेदवार कपिल पाटील यांनी मार्गदर्शन करत सर्वात जास्त मताधिक्क्याने विजयी करण्याचे आवाहन केले. यावेळी मुरबाडच्या सर्वांगीण विकासासाठी मुरबाड विधानसभा मतदारसंघाचा समावेश एमएमआरडीएमध्ये करावा, अशी मागणी कपिल पाटील यांनी केली. देवेंद्र फडणवीस नुसते आले नाही तर मतांचा पाऊस घेऊन आले आहेत असेही ते म्हणाले.
कोणत्याही टिप्पण्‍या नाहीत
टिप्पणी पोस्ट करा