डोंबिवली : कल्याण-डोंबिवली महापालिकेच्या डोंबिवली पश्चिम येथील शास्त्रीनगर रुग्णालयाच्या मुख्य वैद्यकीय अधिकारीपदी डॉ. योगेश चौधरी यांनी नियुक्ती करण्यात आली आहे. डॉ.चौधरी हे पूर्वी शास्त्रीनगर रुग्णालयात बालरोग तज्ञ म्हणून १२ ते १३ वर्षे कार्यरत होते. त्यानंतर ते कल्याण-डोंबिवली महापालिकेच्या कल्याण येथील रुक्मिणीबाई रुग्णालयात ८ ते १० वर्षे बालरोग तज्ञ म्हणून कार्यरत होते. दिवसभरात ते २०० ते २५० रुग्णांना तपासत असे. एक दीड वर्षापूर्वी डॉ. योगेश चौधरी यांची टिटवाळा येथील रुग्णालयात मुख्य वैद्यकीय अधिकारी म्हणून पदोन्नती मिळाली होते. तिथे त्यांचे वैद्यकीय कार्य पाहून डॉ. चौधरी यांना डोंबिवली पश्चिम येथील शास्त्रीनगर रुग्णालयात मुख्य वैद्यकीय अधिकारी म्हणून नियुक्त करण्यात आले असून उद्यापासून ते पदभार सांभाळणार आहेत असे प्रसिद्धी माध्यमांना सांगण्यात आले.