BREAKING NEWS
latest

कल्याण-डोंबिवली महापालिकेची रु. २५,०००/- दंड आकारत १२० किलो प्रतिबंधित प्लास्टिक साठ्यावर धडक कारवाई..

प्रतिनिधी: अवधुत सावंत

कल्याण : आज महापालिकेच्या अधिकाऱी वर्गानी ३/क प्रभाग परिसरातील दुकानांची पाहणी केली असता, या पाहणी दरम्यान 'किरण स्टोअर' या होलसेल दुकानात मोठ्या प्रमाणात प्लास्टिक साठा आढळून आला. दुकानात सुमारे १२० किलो प्रतिबंधित प्लास्टिक आढळल्याने संबंधित दुकानदारावर रुपये २५,०००/- रुपये दंड आकारण्यात आला आहे. महापालिकेने यापूर्वीही अशी कारवाई करून मोठ्या प्रमाणावर प्रतिबंधित प्लास्टिक जप्त केले आहे.

सदर कारवाई महापालिका परिमंडळ-१ चे उपआयुक्त प्रसाद बोरकर यांचे मार्गदर्शनाखाली ३/क प्रभागाचे सहा.आयुक्त धनंजय थोरात, अधिक्षक उमेश यमगर, स्वच्छता निरीक्षक जगन्नाथ वड्डे यांच्या पथकाने केली.

महापालिकेकडून प्रतिबंधित प्लास्टिक बंदीच्या अंमलबजावणीसाठी सातत्याने उपाययोजना राबविण्यात येत असून, अनधिकृतरित्या प्लास्टिक साठवणाऱ्या व विक्री करणाऱ्या व्यापाऱ्यांवर कठोर कारवाई केली जात आहे. प्लास्टिकमुळे पर्यावरणावर होणारे दुष्परिणाम टाळण्यासाठी नागरिकांनी आणि व्यापाऱ्यांनी प्लास्टिकचा वापर टाळावा, असे आवाहन कल्याण-डोंबिवली महापालिका प्रशासनाकडून करण्यात येत आहे.
« PREV
NEXT »

कोणत्याही टिप्पण्‍या नाहीत