डोंबिबली दि.२३: कल्याण-डोंबिवली महानगरपालिकेच्या भोंगळ कारभाराविरोधात एल्गार करत जनतेच्या खिशावर लूट करणाऱ्या “चेन्नई पॅटर्न”च्या विरोधात पत्रकार परिषद घेत शिवसेना (उद्धव बाळासाहेब ठाकरे) पक्षाच्या वतीने कल्याण जिल्हा प्रमुख दीपेश पुंडलिक म्हात्रे यांच्या नेतृत्वात कल्याण डोंबिवली महानगरपालिकेतील नवीन “चेन्नई पॅटर्न” कचरा संकलन प्रक्रिया विषयी पत्रकार परिषद घेण्यात आली. या पत्रकार परिषदेत पक्षाने स्पष्टपणे आपली भूमिका मांडली आणि महानगरपालिकेच्या सर्व भोंगळ कारभारावर गंभीर आरोप केले. नवीन कर पद्धतीनुसार सर्वसामान्य नागरिकांवर ५०% पर्यंत कर वाढ लादण्यात आली आहे. ६०० रुपये वार्षिक कर असलेला आता वर्षाला ९०० रुपयांचा कर सर्व नागरिकांना भरावा लागणार असून, घराचे क्षेत्रफळ लहान असो वा मोठे, सर्वांना समान कर लावण्यात आला आहे. ही सरळसरळ जनतेची लूट असल्याचे पक्षाचे म्हणणे आहे.
शिवसेना पक्षाच्या वतीने आयुक्तांना या पत्रकार परिषदे मधून विनंती करण्यात आली की जर या सर्व बाबींवर प्रशासनाकडून योग्य नियंत्रण नसेल, अंकुश नसेल तर शिवसेना रस्त्यावर उतरून आंदोलन छेडेल. या सर्व बाबींवर अंकुश ठेवण्यास समर्थ असेल. सर्वसामान्य जनतेला आवाहन करण्यात आले आहे की त्यांनी वाढीव कराचा विरोध करावा आणि आपला हक्क मागावा. यावेळी पत्रकार परिषदेमध्ये शिवसेना उद्धव बाळासाहेब ठाकरे कल्याण जिल्हा सचिव सुधीर पाटील, कल्याण उप तालुकाप्रमुख भालचंद्र म्हात्रे, कल्याण ग्रामीण डोंबिवली विधानसभा समन्वयक ओमनाथ नाटेकर, डोंबिवली पश्चिम शहर प्रमुख प्रकाश तेलगोटे, उपशहर प्रमुख शाम चौगुले, चेतन म्हात्रे , कुणाल ढापरे, संजय पाटील, राहुल चौधरी, युवासेनाचे आदित्य पाटील, शिवसेना महिला आघाडी सुप्रियाताई चव्हाण, विधानसभा संघटिका सौ. अक्षरा मनोज पटेल, शहर संघटिका डोंबिवली पूर्व सौ. प्रियंका विचारे, शहर संघटिका डोंबिवली पश्चिम रिचा कामतेकर, युवती शहर अधिकारी डोंबिवली पश्चिम प्रियांका पाटील, शाखा संघटिका कोपरगाव स्मिता पाटिल, ऊपशहर प्रमुख डोंबिवली पूर्व दीपाली राऊळ, उपविभाग संघटिका आयरे रोड छाया सावंत, शाखा संघटिका प्रिया विजय दांडगे, शाखा संघटिका डोंबिवली पश्चिम स्वप्नाली बांधणे तसेच शिवसैनिक, युवासैनिक या पत्रकार परिषदेला उपस्थित होते.
कोणत्याही टिप्पण्‍या नाहीत
टिप्पणी पोस्ट करा