कल्याण : भारतातील वंचित मुलींच्या शिक्षणाला पाठिंबा देण्यावर लक्ष केंद्रित करणारी एक 'ना-नफा' या तत्त्वावर चालणारी संस्था 'रोशन सफर'तर्फे सोमवार, दिनांक २२ डिसेंबर रोजी कल्याणमधील एका शाळेत विशेष सेवाभावी कार्यक्रमाचे आयोजन करण्यात आले आहे. आर्थिकदृष्ट्या वंचित समुदायातील मुलींना दर्जेदार शिक्षण मिळावे यासाठी जागरूकता करणे आणि निधी उभारणे हा या उपक्रमाचा उद्देश आहे. लक्ष्यित शैक्षणिक पाठबळ आणि सामुदायिक सहभागाद्वारे, 'रोशन सफर' शालेय शिक्षणातील सर्वांगी अडथळे दूर करण्यासाठी आणि तरुण मुलींना दीर्घकालीन सामाजिक आणि आर्थिकदृष्ट्या सक्षम करण्यासाठी कार्य करते.
या उपक्रमाचे आयोजन शालेय वातावरणात करणे हे शिक्षणाप्रती असलेली त्याची खोलवर बांधिलकी दर्शवते आणि समर्थकांना अशा वातावरणाशी थेट जोडले जाण्याची संधी देते, ज्यांना अधिक बळकट करण्याचा हा उपक्रम प्रयत्न करत आहे. हा कार्यक्रम शिक्षणाच्या उपलब्धतेचे महत्त्व अधोरेखित करण्यासाठी आणि आर्थिकदृष्ट्या दुर्बल घटकातील मुलींना येणाऱ्या आव्हानांबद्दल जागरूकता निर्माण करण्यासाठी एक व्यासपीठ म्हणून काम करतो. 'रोशन सफर'च्या शैक्षणिक सक्षमीकरणाच्या व्यापक ध्येयाला पुढे नेण्यात हा कार्यक्रम महत्त्वपूर्ण भूमिका बजावतो. या उपक्रमाद्वारे उभारण्यात आलेला निधी वंचित मुलींच्या शिक्षणासाठी वापरला जाईल, ज्यामध्ये शाळेची शुल्क, शिक्षण साहित्य आणि सातत्यपूर्ण उपस्थिती आणि शैक्षणिक प्रगतीसाठी आवश्यक संसाधने यांचा समावेश असेल.
आर्थिक मदतीव्यतिरिक्त, हा उपक्रम तरुण मुलींना सक्षम बनवण्यात, त्यांच्या कुटुंबीयांना बळकटी देण्यात आणि दीर्घकालीन सामुदायिक विकासाला चालना देण्यात शिक्षणाचे परिवर्तनकारी परिणाम अधोरेखित करण्याचा प्रयत्न करतो. 'रोशन सफर'ला मिळालेला नवा वेग त्याच्या नेतृत्वाच्या प्रयत्नांशी निगडित आहे. या कार्यक्रमाचा पाया रचणाऱ्या आपल्या दिवंगत आजोबांच्या निधनानंतर, झोया खान यांनी त्यांचा हा वारसा पुढे नेण्याची जबाबदारी स्वीकारली.
झोया खान यांनी संस्थेचे कामकाज आणि आर्थिक बाबी समजून घेण्यात स्वतःला झोकून दिले, निधी संकलनाचे प्रयत्न अधिक बळकट केले आणि दीर्घकालीन शाश्वतता सुनिश्चित केली. चॅरिटीची (धर्मादाय संस्थेची) डिजिटल उपस्थिती म्हणजेच आधुनिक तंत्रज्ञान आणि ऑनलाईन माध्यमांचा वापर करून, देणगीदारांपर्यंत पोहोच विस्तारून आणि परिणाम व प्रगतीबद्दल नियमित संवाद साधून, त्यांनी भारतातील मुलींच्या शिक्षणाला पाठिंबा देण्यासाठी यूएसडी २०,००० (वीस हजार अमेरिकन डॉलर)हून अधिकचा निधी यशस्वीरित्या उभा केला आहे.
या कार्यक्रमात विद्यार्थी, समर्थक आणि समुदाय सदस्यांना गुंतवून ठेवण्याच्या उद्देशाने विचारपूर्वक आखलेल्या किंवा निवडलेल्या अनेक उपक्रमांचा समावेश असेल. यामध्ये विद्यार्थ्यांशी संवाद, शिक्षणाचे मूल्य अधोरेखित करणारे शैक्षणिक सत्र, विद्यार्थ्यांच्या प्रतिभेचे प्रदर्शन करणारे सांस्कृतिक कार्यक्रम आणि शिक्षण साहित्याचे वितरण यांचा समावेश आहे. एकत्रितपणे, हे उपक्रम एक अर्थपूर्ण अनुभव तयार करण्यासाठी डिझाइन केलेले आहेत, जे 'रोशन सफर'चे ध्येय प्रतिबिंबित करतात आणि त्याच्या प्रभावाची प्रचिती देतात.
हा उपक्रम शैक्षणिक समतेच्या समान दृष्टिकोनातून वचनबद्ध व्यक्ती आणि सहयोगकर्त्यांच्या गटाद्वारे समर्थित आहे. झोया खान आणि तिचे कुटुंबीय 'रोशन सफार'च्या प्रयत्नांना मार्गदर्शन आणि पाठिंबा देण्यात महत्त्वाची भूमिका बजावत आहेत. उपक्रमांची प्रभावी अंमलबजावणी सुनिश्चित करण्यासाठी शाळा आणि समुदायाशी जवळून काम करणारे जुनैद शेख स्थानिक पातळीवर या कार्यक्रमांबाबत समन्वय साधत आहेत. या कार्यक्रमात अमेरिकेतील जगप्रसिद्ध तबलावादक जिम सँटी ओवेन एक अनोखा सांस्कृतिक पैलू जोडत आहेत, ज्यांची उपस्थिती 'रोशन सफर'च्या ध्येयामागील जागतिक पाठिंबा आणि ऐक्य दर्शवते.
'रोशन सफर'च्या सह-संस्थापक, यूएसमधून मुख्य निधी उभारणाऱ्या, आणि सोशल मीडिया संचालक झोया खान यांनी उपक्रमाच्या उद्देशावर भाष्य करताना सांगितले, की जेव्हा मी माझ्या दिवंगत आजोबांकडून 'रोशन सफर'ची अमेरिकन शाखा हाती घेतली, तेव्हा मला सामाजिक आणि आर्थिकदृष्ट्या अडचणीत असलेल्या समुदायातील मुलींना मोठे स्वप्न पाहण्यास मदत करण्याची आणि ती स्वप्ने प्रत्यक्षात आणण्यासाठी त्यांना संसाधनांनी सुसज्ज करण्याची संधी दिसली. शिक्षणात जीवनमान बदलण्याची ताकद आहे आणि या उपक्रमाद्वारे आम्हाला कायमस्वरूपी बदलाचे मार्ग तयार करण्याची आशा आहे. 'रोशन सफर' संस्था आशा, लवचिकता आणि संधीचे प्रतीक म्हणून उभी आहे, जी वंचित मुलींसाठी शिक्षणाला पुढे नेण्याच्या सखोल वचनबद्धतेने प्रेरित आहे. कल्याण येथील शाळेतील कार्यक्रमासारख्या उपक्रमांद्वारे, संस्था आपला उद्देश कृतीत उतरवते, जिथे सर्वात जास्त गरज आहे तिथे संधी निर्माण करते, आत्मविश्वास वाढवते आणि क्षमतांचे संगोपन करते. 'रोशन सफर' व्यक्ती, संस्था आणि समुदायांना त्यांच्या मिशनला (मोहीम) पाठिंबा देण्यासाठी आणि प्रत्येक मुलीला शिकण्याची, वाढण्याची आणि नेतृत्व करण्याची संधी मिळावी, या सामूहिक प्रयत्नाचा भाग बनण्यासाठी आमंत्रित करते.
